Nūrsūltan Nazarbaevqa tiesılı Almatydaǧy «Alatau» sanatoriiın 50 mln dollarǧa satty, dep habarlaidy "Adyrna" ūlttyq portaly.
«Vyhod k moriu» telegram-arnasynda taraǧan aqparatqa säikes, eks-prezidentke tiesılı aktivtı Niderlandtyŋ Noord Holland Trading Company B.V. kompaniiasy satyp alǧan. Sanatorii 174 mln dollarǧa baǧalanǧan, alaida naryqtaǧy ädıl baǧasynyŋ üşten bırıne satylǧan. Būl kelısım Niderland kompaniiasyna ūzaq merzımdı şyǧyndardan qūtyluǧa jäne aktivtı qūpiialylyǧy joǧary iurisdiksiiaǧa köşıruge mümkındık berdı.
1986 jyly keŋestık partiia qyzmetkerlerı üşın salynǧan «Alatau» sanatoriiı 90-jyldardyŋ ortasynda şaruaşylyq basqarmadaǧy memlekettık korporasiianyŋ baqylauyna öttı. Nazarbaevtyŋ dosy ärı jaqyn serıgı Vladimir Nidıŋ tuystary būl aktivterdı jekeşelendırdı.
Noord Holland kompaniiasynyŋ direktory — Nazarbaevpen bailanysy bar, Niderlandy men Resei azamattyǧyn alǧan Anna Berezina ekenı anyqtalǧan. Telegram-arna mälımetınşe, Berezina Vladimir Kim men Eduard Ogaidyŋ Qazaqstandaǧy milliardtyq aktivterın öz atyna jazǧan.
"Nazarbaevtyŋ aktivterın Noord Holland balansyna köşıru — būl tek qana «Nazarbaevtar klanynyŋ» müddesı üşın jasalǧan qorǧanys manevrı boluy mümkın. Niderlandtyq qūrylym tek osy atalǧan aktivterdı ǧana emes, sonymen qatar bırneşe balalar baqşasyn, densaulyq lagerın, Almatydaǧy «Dostyq» qonaq üiın, «Evraziia-Stroi» qūrylys kompaniiasyn, Pavlodardaǧy «İrbis» telarnasyn (RİA «Arna» JŞS) jäne basqa obektılerdı de baqylauyna aldy", - delıngen habarlamada.
