Almaty qalasynyŋ Tötenşe jaǧdailar departamentı (TJD) jer sılkınısın erte habarlau jüiesıne qatysty jaǧdaiǧa tüsınıkteme bere otyryp, onyŋ synaq kezeŋınen ötıp jatqanyn aitty, dep habarlaidy "Adyrna" ūlttyq portaly.
«2023 jyldyŋ soŋynda Almaty qalasy Tötenşe jaǧdailar departamentınıŋ tapsyrysy boiynşa avtomattandyrylǧan aldyn ala eskertu jüiesınıŋ (AAEJ) 28 seismikalyq stansasynyŋ qūrylysy aiaqtaldy. Joba kezeŋ-kezeŋımen jüzege asyryldy: 2022 jylǧa – 11 seismikalyq stansanyŋ qūrylysy, 2023 jylǧa – 17 seismikalyq stansanyŋ qūrylysy. Qazırgı uaqytta jüie synaqtyq paidalanuǧa berıldı jäne şeteldık täjıribege säikes, aprobasiialyq kezeŋnen ötıp, synaq rejimınde. Jüienı testıleu kezeŋı şamamen bırınşı jartyjyldyqtyŋ soŋyna deiın sozylady», - delıngen särsenbıde taratqan habarlamada.
Eske salaiyq, 23 qaŋtarda Almatyda bolǧan jer sılkınısınen keiın el dürlıktı. Tabiǧi apattyŋ aldyn ala eskertılmegenıne qatysty syn aityldy. Artynşa apatty aldyn ala habarlaudyŋ avtomattandyrylǧan jüiesıne 1,1 mlrd teŋge jūmsalǧany, dese de onyŋ jūmys ıstemei qalǧany belgılı boldy. Almatylyqtardy jer sılkınısı turaly aldyn ala eskertuge jauapty jäne körsetetın qyzmetı üşın 1,1 mlrd teŋge alǧan kompaniia eks-prezident Nazarbaevtyŋ jienı Nūrälı Älievke tiesılı ekenın «Ädıldık joly» qoǧamdyq bırlestıgınıŋ (QB) atqaruşy direktory Didar Smaǧūlov aitty.
Ūqsas jaŋalyqtar
