بۇگىن تاڭدا جەلتوقسان كوتەرىلىسىنە قاتىسۋشى كۇلىمحان وسكەنباەۆا دۇنيەدەن وزدى، دەپ حابارلايدى «ادىرنا» ۇلتتىق پورتالى.
بۇل تۋرالى اقىن امانعازى كارىپجان ءوز Facebook پاراقشاسىندا كوڭىل ايتىپ، جازبا جاريالادى.
«جەلتوقسان قارلىعاشى جەلتوقساننىڭ 37-ءشى تاڭىن بۇگىن باقيلىق عۇمىرمەن قارسى العانىن ەستىپ وتىرمىز. جەلتوقسان كوتەرىلىسىنىڭ قاھارمان قىزى كۇلىمحان وسكەنباەۆادان (ۋسكانباەۆا) دا ايىرىلىپ قالدىق. 1986 جىلى وسى كۇندەردە العان جاراقاتتىڭ سوڭى 37 جىلدان سوڭ ءوزى اكەلگەن تاۋەلسىزدىك مەرەكەسىن، ياعني ءدال بۇگىنگى تاڭدى اجال وعىمەن قارسى الۋعا ماجبۇرلەيدى دەپ كىم ويلاعان»، - دەپ جازعان اقىن ءوز جازباسىندا.
كۇلىمحان وسكەنباەۆا - جەلتوقسان وقيعاسىنىڭ قاھارمان قىزى. «جەلتوقسان اقيقاتى» پاتريوتتىق قوزعالىسىنىڭ بەلسەندى مۇشەسى. سول جىلعى وقيعاعا بايلانىستى ءىى-توپتاعى مۇگەدەگى اتانعان.
كۇلىمحان وسكەنباەۆانىڭ ءوز ەستەلىگىنەن:
«18 كۇنى ءوزىم دە باسىمنان تاياق جەدىم، قازىر ءىى-توپتاعى مۇگەدەكپىن. دامەتكەندى قۇتقارامىن دەگەندە باسىما بىردەڭە ءتيدى. كوزى-باسىمدى قان جاۋىپ كەتتى. جانىمدا ايجان، پەرنەقىز دەگەن قىزدار بار، ەسىمدى بىلمەيمىن، ولار مەنى قۇتقارىپ قالدى. دامەتكەنىڭ بەلىنەن ۇرعان، ءالى كۇنگە دەيىن ءبىر جاعى كەمىس. الاڭعا بارعاندا روزا باعلانوۆا جىلاپ تۇرىپ «قىزدار، بالدارىم، كەتىڭدەر!» دەپ ايتتى. ءبىز تىڭداعان جوقپىز. «مەنىڭ قازاقستانىمدى» ايتىپ، تىزەرلەپ وتىردىق. وتىرعانداردى ماشينا باسپايتىن شىعار دەپ ەدىك، وعان دا قاراعان جوق».
«ادىرنا» ۇلتتىق پورتالى
