الماتىدا ساۋدا ورتالىعىنىڭ بىرىندە ساتىپ الۋشىلار ءبىر-ءبىرىن تاپتاپ كەتە جازدادى، دەپ حابارلايدى "ادىرنا" ءتىلشىسى Stan.kz-كە سىلتەپ.
الماتىدا ساۋدا ورتالىقتارىنىڭ بىرىندە دۇكەندەر جەڭىلدىك جاريالاعان. جەڭىلدىككە ءۇمىتتى ادامدار ءبىر-ءبىرىن تاپتاپ كەتە جازداپ، كەلەڭسىزدىك تۋدىرعان. ءتىپتى ورتالىقتاعى ۆيترينالاردى قيراتقانى بەلگىلى بولدى.
"ادام كوپ بولعانى سونشا – ولار بىرنەشە ساۋدا نۇكتەلەرى مەن ۆيترينالاردى قيراتتى. ءتارتىپتى قالپىنا كەلتىرۋ جانە كەلۋشىلەردىڭ قاۋىپسىزدىگىن قامتاماسىز ەتۋ ءۇشىن پوليتسيانى شاقىرۋعا، ادامداردى ەۆاكۋاتسيالاۋعا تۋرا كەلدى", – دەلىنگەن بەينەروليكتە.
ورىن العان جاعدايعا قاتىستى الماتى پوليتسيا دەپارتامەنتى تۇسىنىكتەمە بەردى.
"الماتى قالاسىنىڭ پوليتسيا دەپارتامەنتى ساۋدا ورتالىعىنداعى ءبىر بۋتيكتە جەڭىلدىك جاريالانعاندىقتان، كەلەڭسىز جايت ورىن العان. بۋتيك اكىمشىسىنىڭ ىس-ارەكەتىنە قۇقىقتىق باعا بەرىلەدى", – دەپ حابارلادى ۆەدومستۆونىڭ ءباسپاسوز قىزمەتى.
