ماسكەۋ قالاسىندا رەسەي پرەزيدەنتى ۆلاديمير پۋتين وتكەن دەمالىس كۇندەرى قازاقستاننىڭ ەكس-پرەزيدەنتى نۇرسۇلتان نازارباەۆپەن كەزدەسكەنى راستالدى، دەپ حابارلايدى "ادىرنا" ۇلتتىق پورتالى.
مۇنى جۋرناليستەرگە رەسەي مەملەكەتى باسشىسىنىڭ ءباسپاسوز حاتشىسى دميتري پەسكوۆ راستاپ، كەزدەسۋدىڭ جابىق وتكەنىن اتاپ وتكەن. ال جەكسەنبىدە پۋتين "ەدينايا روسسيا" پارتياسىنىڭ سەزىنە قاتىسىپ، ۇزاعىنان سويلەگەن بولاتىن.
«ول [نازارباەۆ] شىنىندا دا ماسكەۋدە بولدى جانە ول پرەزيدەنتپەن وڭاشا، مۇلدەم جەكە كەزدەسۋ وتكىزدى»، - دەدى پەسكوۆ. «ءبىز مۇنى راستاي الامىز، ءيا»، - دەپ قوستى كرەمل وكىلى.
بۇعان دەيىن، ەكس-پرەزيدەنتتىڭ 16 جەلتوقسان كۇنى ماسكەۋگە بارعانى ايتىلعان بولاتىن.
