الماتى قالالىق پوليتسيا دەپارتامەنتى 47-اۆتوبۋستىڭ ءبىر توپ ادامدى قاعىپ كەتكەن ءساتىنىڭ ۆيدەوسىن جاريالادى. قايعىلى وقيعا بۇگىن، ساعات 18:15-تە بولدى، دەپ حابارلايدى «ادىرنا» ءتىلشىسى.
باسقارمانىڭ ءباسپاسوز قىزمەتى قوعامدىق كولىكتىڭ جولاۋشىسى جانجال سالدارىنان جۇرگىزۋشى ايەلدى ۇرعاندىعىن، ول ەسىن جوعالتىپ، كولىكتى باسقارا الماي قالعانىن جازدى.
وقيعا سالدارىنان 3 ادام قازا تاۋىپ، تاعى 4 ادام دەنە جاراقاتتارىن الدى. ولار اۋرۋحاناعا جەتكىزىلدى.
«قوعامدىق كولىك جۇرگىزۋشىسىن ۇرعان ەر ادام ۇستالدى. وعان قاتىستى قر قك-ءنىڭ 293-بابى(بۇزاقىلىق) جانە قر قك-ءنىڭ 351-بابى (ەكى نەمەسە ودان دا كوپ ادامنىڭ ولىمىنە اكەپ سوققان كولىكتى قاۋىپسىز پايدالانۋدى قامتاماسىز ەتەتىن ەرەجەلەردى بۇزۋ) بويىنشا قىلمىستىق ءىس تىركەلدى. وسى باپ بويىنشا ول 8 جىلعا دەيىنگى مەرزىمگە باس بوستاندىعىنان ايىرىلۋى مۇمكىن. ۇستالعان ادام پد-ءنىڭ ۋاقىتشا ۇستاۋ يزولياتورىنا قامالدى»،—دەلىنگەن حابارلامادا.
بەينەجازبانى كورۋ ءۇشىن سىلتەمەنى باسىڭىز.
