الماتى قالاسىنداعى جەر رەسۋرستارىن باسقارۋ كوميتەتى ءال-فارابي اتىنداعى قازاق ۇلتتىق ۋنيۆەرسيتەتىڭ جەكە مەنشىككە ءوتىپ كەتكەن ايماعىنا قاتىستى تەكسەرىس جۇرگىزدى. بۇل جايلى زاڭگەر باقىتجان بازاربەك حابارلادى، دەپ جازدى "ادىرنا" ۇلتتىق پورتالى "orda_kz"-كە سىلتەمە جاساپ.
كوميتەت الماتى اكىمدىگىنىڭ زاڭسىز ۇلتتىق ۋنيۆەرسيتەت تەرريتورياسىنىڭ ءبىر بولىگىن مەنشىكتەۋگە جول بەرگەننىن ناقتىلادى.
الماتىنىڭ اۋدانارالىق-ەكونوميكالىق سوتى قالانىڭ جەر رەسۋرستارىن باسقارۋ دەپارتامەنتى مەن "Omirex" جشس، "Atlas Development" جشس، قازۇۋ ءوتىنىشىن تولىق قاراستىردى. ارنايى قابىلدانعان قاۋلىدا ساتىپ الۋ-ساتۋ شارتتارىن جارامسىز دەپ تانۋ تۋرالى تالاپ قويىلدى.
سوت شەشىمى زاڭدى كۇشىنە ەنگەن كەزدە زاڭسىز يەلىكتەن شىعارىلعان جەر ۋچاسكەسى ۋنيۆەرسيتەت قاراماعىنا قايتارىلادى.
باقىتجان بازاربەك ءوز سوزىندە زاڭسىز قاۋلىعا قول قويعان شەنەۋنىكتەردى جاۋاپقا تارتىپ، جازاسىن بەرۋ قاجەت ەكەندىگىن دە اتاپ ءوتتى.
"ادىرنا" ۇلتتىق پورتالى
