Almaty qalasyndaǵy jer resýrstaryn basqarý komıteti ál-Farabı atyndaǵy Qazaq ulttyq ýnıversıtetiń jeke menshikke ótip ketken aımaǵyna qatysty tekseris júrgizdi. Bul jaıly zańger Baqytjan Bazarbek habarlady, dep jazdy "Adyrna" ulttyq portaly "orda_kz"-ke silteme jasap.
Komıtet Almaty ákimdiginiń zańsyz Ulttyq ýnıversıtet terrıtorııasynyń bir bóligin menshikteýge jol bergennin naqtylady.
Almatynyń aýdanaralyq-ekonomıkalyq soty qalanyń jer resýrstaryn basqarý departamenti men "Omirex" JShS, "Atlas Development" JShS, QazUÝ ótinishin tolyq qarastyrdy. Arnaıy qabyldanǵan qaýlyda satyp alý-satý sharttaryn jaramsyz dep taný týraly talap qoıyldy.
Sot sheshimi zańdy kúshine engen kezde zańsyz ıelikten shyǵarylǵan jer ýchaskesi ýnıversıtet qaramaǵyna qaıtarylady.
Baqytjan Bazarbek óz sózinde zańsyz qaýlyǵa qol qoıǵan sheneýnikterdi jaýapqa tartyp, jazasyn berý qajet ekendigin de atap ótti.
"Adyrna" ulttyq portaly
