Almatyda avtobus pen jaiau jürgınşınıŋ qatysuymen jol-kölık oqiǧasy boldy, dep habarlaidy «Adyrna» tılşısı.
Adam ölımıne äkelgen oqiǧasynyŋ kadrlary Instagram jelısındegı 100baksoff pabligınde jariialandy.
Qalalyq PD mälımetınşe, jol-kölık oqiǧasy 12 tamyz künı saǧat 12:20-da Bostandyq audanynda bolǧan.
«Jeke tasymaldauşyǧa tiesılı avtobustyŋ jürgızuşısı Mūstafin köşesımen oŋtüstık baǧytta kele jatyp, köşenı şyǧys baǧytta kesıp ötıp bara jatqan 1996 jyly tuǧan jaiau jürgınşı qyzdy qaǧyp ketken. Ökınışke qarai, jaiau jürgınşı alǧan jaraqattarynyŋ saldarynan oqiǧa ornynda qaza tapty», – dedı PD.
Atalǧan faktı boiynşa qylmystyq ıs qozǧalǧan. Qazırgı uaqytta tergeu amaldary jürgızılıp, oqiǧanyŋ barlyq män-jaiy anyqtaluda.
Ūqsas jaŋalyqtar
