اگەنتتىك اقپارات كوزىنىڭ حابارلاۋىنشا، ماڭعىستاۋ وبلىسىندا ەرەۋىلگە شىققان «West Oil Software» جشس (WOS) قىزمەتكەرلەرى «مەرزىمىنەن بۇرىن زەينەتكە شىعۋ» دەپ اتالاتىن «5/50» باعدارلاماسىنىڭ قاتىسۋشىلارى بولىپ تابىلادى.
«West Oil» قىزمەتكەرلەرى زاڭعا قايشى تالاپتاردى كوتەرۋى العاش رەت ەمەس. مىسالى، 2021-2022 جىلدارى ولار وزدەرى جۇمىس ىستەيتىن كومپانياعا ۇلتتىق ستاتۋس بەرۋدى تالاپ ەتتى. ونىڭ ۇستىنە ەرەۋىلدەۋشىلەر 2017-2018 جىلدارى «مەرزىمىنەن بۇرىن زەينەتكە شىعۋ» – «5/50» باعدارلاماسىنا قاتىسقان ادامدار. ياعني، ولار بەس جىل بۇرىن بىردەن جالاقىنىڭ 50 پايىزىن الىپ، جۇمىستان شىققان»، - دەدى سەنبىدە قازتاگ رەداكتسياسىنا جاعدايمەن تانىس دەرەككوز يەسى.
ونىڭ ايتۋىنشا، وسى جاعداي اقتاۋداعى قۇرىلىس نارىعىن كوتەرگەن.
«باعدارلاماعا قاتىسۋشىلار اراسىندا زەينەتكەرلىك جاسقا جاقىن ادامدار عانا ەمەس، سونىمەن قاتار ەڭبەككە قابىلەتتى 35 جاستاعى ەازاماتتار دا بولدى. شاماسى، بەس جىل جۇمىس ىستەمەۋگە بولادى دەپ ەسەپتەپ، باعدارلاماعا قاتىسۋعا شەشىم قابىلداعان. ولاردىڭ ارقايسىسى ميلليونداعان قاراجات الدى، ءبىر بولىگى كولىك, ەندى ءبىرى اقتاۋدا تۇرعىن ءۇي ساتىپ الا باستادى. بۇل جەردە جۇزدەگەن ادامدار تۋرالى اڭگىمە ءجۇرىپ جاتىر. ءبىر ۋاقىتتا نارىققا قانشا قاراجات تۇسكەنىن ەلەستەتىپ كورىڭىزشى – اقتاۋدا قۇرىلىس بۋمى باستالدى، وعان كوممۋنيكاتسيالىق ينفراقۇرىلىم ىلەسە المادى. اقتاۋداعى جىلۋ مەن سۋعا بايلانىستى قازىرگى جاعداي ءىس جۇزىندە سول وقيعالاردىڭ سالدارى»، - دەدى اگەنتتىككە سۇحبات بەرۋشى.
سونداي-اق، ول «5/50» باعدارلاماسىنا قاتىسۋ ەرىكتى بولعانىن اتاپ ءوتتى.
«ەشكىم ەشكىمدى قاتىسۋعا ماجبۇرلەگەن جوق. ولار اقشاسىن الدى. اقىلدى ادامدار سول ارقىلى كاسىپ اشتى. كوبىسى West Oil كومپانياسىنا جۇمىسقا ورنالاستى. ەندى ولار زاڭسىز عانا ەمەس، اقىلعا قونىمسىز جاڭا تالاپتارمەن ەرەۋىلگە شىعۋدا. مۇنى كوپشىلىك تۇسىنەدى. مۇنايشىلار اراسىندا ءوزارا ىنتىماقتاستىقتىڭ مىقتى ەكەنىن جاقسى بىلەمىز. ادىلەتسىزدىك ورىن العان كەزدە كەيبىر كومپانياداعى مۇنايشىلار باس كوتەرسە، ولارعا باسقا كومپانيالاردىڭ مۇنايشىلارى دا قوسىلىپ، ەرەۋىلگە شىعا باستايدى. بۇل جولى ولاي ەمەس، ويتكەنى باسقا كومپانيالاردا مۇنايشىلار West Oil جۇمىسشىلارىنىڭ تالاپتارىنىڭ اقىلعا قونىمسىزدىعىن تۇسىنەدى. ءتىپتى، كوپتەگەن ادامدار ەرەۋىلشىلەردىڭ ارەكەتتەرىنە دەگەن تاڭدانىسىن جاسىرمايدى», - دەدى دەرەككوز.
ماڭعىستاۋ وبلىسىنىڭ اكىمدىگى قازتاگ اگەنتتىگىنە West Oil Software كومپانياسىنىڭ بارلىق ەرەۋىلگە شىققان قىزمەتكەرلەرى – «5/50» باعدارلاماسىنىڭ قاتىسۋشىلارى ەكەنىن راستاپ وتىر.
«2017-2018 جىلدارى Oil Transport Corporation جشس (وتك) جەكەلەگەن قىزمەتكەرلەرى تاراپتاردىڭ كەلىسىمى بويىنشا ەڭبەك قاتىناستارىن مەرزىمىنەن بۇرىن بۇزۋ باعدارلاماسىن («5/50» باعدارلاماسى) پايدالاندى. ونىڭ ورنىنا ولار بەس جىلدىق كەزەڭدەگى لاۋازىمدىق جالاقىسىنىڭ 50% مولشەرىندە اقشالاي وتەماقى الدى. ونىڭ ىشىندە 517 بۇرىنعى وتك قىزمەتكەرلەرى WOS-قا جۇمىسقا ورنالاستى. 2023 جىلعى 1 قازانداعى جاعداي بويىنشا WOS-تا وتك-نىڭ 454 بۇرىنعى قىزمەتكەرى جۇمىس ىستەيدى»، - دەپ حابارلادى ماڭعىستاۋ وبلىسى اكىمدىگى.
اكىمدىكتە حابارلاعانداي، جالپى سانى 4801 قىزمەتكەر بوساتىلعان. بءىر قىزمەتكەرگە ورتاشا ەسەپپەن 11 ملن تەڭگە، جالپى قۇنى 44 ملرد تەڭگە وتەماقى تولەنگەن.
وبلىس اكىمدىگىندە اتاپ وتكەندەي، «WOS شتاتىنا اۋىسقىسى كەلەتىن جۇمىسشىلارعا بەس جىل بويى جۇمىس ورىندارىنىڭ ساقتالۋىنا، بەلگىلى ءبىر مولشەردەگى جالاقى دەڭگەيى مەن ەڭ تومەنگى الەۋمەتتىك پاكەتكە كەپىلدىك بەرىلدى».
«جۇمىس ورنىنان اۋىسۋ كەزىندە ورتاشا جالاقى 235 650 تەڭگە بولعان. 2021 جىلدىڭ قىركۇيەگىندە WOS قىزمەتكەرلەرىنىڭ جالاقىسى 36%-عا ءوسىپ، ورتاشا ەسەپپەن 322 975 تەڭگەگە جەتكەن. سونداي-اق، الەۋمەتتىك پاكەت ەكىدەن 18 پوزيتسياعا دەيىن ۇلعايتىلىپ، جىل سايىنعى جالاقىنى يندەكستەۋ ەنگىزىلدى. 2022 جىلى ورتاشا جالاقى 652 596 تەڭگەنى قۇرادى جانە الەۋمەتتىك پاكەتتى 18-دەن 30 پوزيتسياعا دەيىن كەڭەيتۋ تۋرالى ۇجىمدىق شارت جاسالدى. 2023 جىلى WOS بويىنشا ورتاشا جالاقى 735 616 تەڭگەنى قۇرادى»، - دەپ ناقتىلادى وبلىس اكىمدىگىندە.
ەستەرىڭىزگە سالا كەتەيىك، بۇعان دەيىن ماڭعىستاۋ وبلىسىندا «West Oil Software» جشس قىزمەتكەرلەرىنىڭ ەرەۋىلى زاڭسىز دەپ تانىلعان بولاتىن، ال كومپانيانىڭ وسى جاعدايعا بايلانىستى ۇڭعىمالاردا اپات قاۋپى تۋىنداۋى مۇمكىن ەكەنىن مالىمدەگەن بولاتىن.
«ادىرنا» ۇلتتىق پورتالى
