رەسەي فەدەراتسياسىنا جۇمىس ساپارىمەن بارعان پرەزيدەنتتەر سانكت-پەتەربۋرگ قالاسىنداعى مادەني نىساندارمەن تانىستى، دەپ حابارلايدى "ادىرنا" ءتىلشىسى.
تمد مەملەكەتتەرى باسشىلارىنىڭ بىرلەسكەن ەكسكۋرسياسى «پاۆلوۆسك» مەملەكەتتىك مۋزەي-قورىعىنان باستالدى. پرەزيدەنتتەردىڭ قۇرمەتىنە پاۆلوۆ سارايىنداعى «گرەك زالى» امفيتەاترىندا «سەۆەرنايا سيمفونيا» كونتسەرتى ۇيىمداستىرىلدى. ەكىنشى نىسان «تسارسكوە سەلو» مۋزەي-قورىعىن جانە ەكاتەرينا سارايىنىڭ زالدارىن بولدى.
ورىس يمپەراتورلارىنىڭ بۇرىنعى جازعى رەزيدەنتسياسى — رەسەيدەگى حالىق كوپ باراتىن مۋزەيلەردىڭ ءبىرى. بۇل مۇراجايعا 2022 جىلى 2,9 ميلليون ادام كەلگەن.
پرەزيدەنتتەردىڭ ءۇشىنشى ەكسكۋرسياسى «پەتەرگوف» مەملەكەتتىك مۋزەي-قورىعىنىڭ ۇلكەن پەتەرگوف سارايىندا جالعاستى.
دەلەگاتسيا باسشىلارى 150-دەن استام سۋبۇرقاقتان تۇراتىن مۋزەيمەن تانىستى.
ەسكە سالا كەتەيىك، پرەزيدەنتتەر سانكت-پەتەربۋرگتە وتكەن جوعارى ەۋرازيالىق ەكونوميكالىق كەڭەستىڭ وتىرىسىنا كەلگەن. جيىنعا ارمەنيا پرەمەر-ءمينيسترى نيكول پاشينيان كەلدى. ونى رەسەي فەدەراتسياسىنىڭ پرەزيدەنتى پۋتين قارسى العان.ۇقساس جاڭالىقتار
