جۋرناليست ايگەرىم ەسەنالى الەۋمەتتىك جەلىدە چەللەندج باستادى، دەپ حابارلايدى "ادىرنا" ءتىلشىسى.
جۋرناليست، ء"ومىر كوركەم" باعدارلاماسىنىڭ جۇرگىزۋشىسى ايگەرىم ەسەنالى جىلدى قورىتىندىلاۋ ماقساتىندا جاڭا چەللەندج باستادى.الەۋمەتتىك جەلىسىنە جۇكتەگەن ۆيدەودا:
"دوستار، 365 كۇن بويى ءسىز ءوز ەنەرگياڭىز، قۋاتىڭىز، ءبىلىمىڭىز، رەسۋرسىڭىزدى قايدا جۇمسادىڭىز؟ ءسىزدى جىلدى قورىتىندىلاۋعا چەللەندج باستايىق. مەن باستايىن
23 جىل ءارتۇرلى قىزمەتتەردەن كەيىن مەديا سالاسىندا "اقپارات سالاسىنىڭ ۇزدىگى" دەگەن مەدال الدىم. ودان كەيىن "ەرەن ەڭبەگى ءۇشىن" دەگەن مەملەكەتتىك ناگرادا. قۇتتىقتاۋلارىڭىزعا راقمەت تاعى دا! ء"ومىر كوركەمدە" 500-دەن اسا اداممەن سۇحبات قۇرىپپىن. ء"سوزىڭ ءوتىمدى بولسىن" كۋرسىندا 250-دەن استام ادامنىڭ قولىنا سەرتيفيكات بەردىك. ەلىمىزدە بيزنەستىڭ دامۋىنا جاقسى مۇمكىندىكتەر بار. پروداكشندا 3 ءىرى جوبانى جاپتىق. مەنىڭ ويىمشا، ەلىمىز تىنىش. تاڭەرتەڭ تۇرىپ، ماقساتىڭدى قويىپ، ونى جۇزەگە اسىرۋعا مۇمكىندىكتەر بار ", - دەپ بيىلعى جىلىندا قانداي وزگەرىستەر بولعانىن ايتتى.
ءجۋرناليستىڭ سوزىنشە، بيىل قىزىندا دا، ءوزىنىڭ مانسابىندا دا ناعىز تابىستى جىل بولعان. "اقپارات سالاسىنىڭ ۇزدىگى" اتانعان تەلەجۋرناليست ارىپتەستەرى مەن وقىرماندارىنا وسى چەللەندجى جولدادى.
