اتىراۋ وبلىسىنىڭ قۇرمانعازى پوليتسيا ءبولىمىنىڭ شارون وزەنىندە مۇز استىنا ءتۇسىپ كەتكەن ەكى ادامدى سۋدان شىعارعان قىزمەتكەرلەرىنە سىياقى بەرىلەدى، دەپ حابارلايدى «ادىرنا» ۇلتتىق پورتالى «24KZ» باسىلىمىنا سىلتەمە جاساپ.
مۇزدى سۋدا ايەل ادام مەن ونى قۇتقارۋعا تىرىسقان ەر ادام بولعان. پوليتسەيلەر وقيعا ورنىنا ۋاقىتىندا كەلدى.
«مەن قىزمەتتىك مىندەتىمدى ورىندادىم. بۇل ارەكەتىمدى ەرلىك دەپ سانامايمىن. قىزمەتىم ىشكى سالادا بولعانمەن، ءبىزدىڭ ماقساتىمىز ورتاق», - دەيدى پوليتسەيلەردىڭ ءبىرى رومان ناسيحان.
«بۇل قىزمەتكەرلەر ءبىر مينۋتقا دا وزدەرى تۋرالى ويلامايتىن ادالدىق پەن باتىلدىقتىڭ مىسالى. قاۋىپ-قاتەرگە قاراماستان، ولار كومەككە كەلدى. سۋعا باتىپ بارا جاتقان ادامداردى قۇتقارعان جەتى پوليتسەيدى دەپارتامەنت باسشىلىعى ماراپاتقا ۇسىنعىسى كەلەدى – ءتيىستى ۇسىنىس ىشكى ىستەر مينيسترلىگىنە جىبەرىلەدى», - دەپ اتاپ ءوتتى وبلىستىق پوليتسيا دەپارتامەنتى باسشىسىنىڭ ورىنباسارى ءادىلحان بايدوسوۆ.
ەسكە سالا كەتەيىك، بىرنەشە كۇن بۇرىن پوليتسيا قىزمەتكەرلەرى مەن 1996 جىلى تۋعان ازامات مۇزدى سۋعا ءتۇسىپ كەتكەن 1959 جىلعى ايەلدى، سودان كەيىن كومەككە كەلگەن ەر ادامدى جاعاعا الىپ شىققان بولاتىن.
«ادىرنا» ۇلتتىق پورتالى
