قاراعاندى وبلىسىنىڭ تۇرعىندارى مەن قوناقتارىنا ەكىنشى كۇن قاتارىنان قارلى بوراننىڭ قاۋپىنەن ساقتانىپ، ۇزاق ساپارلاردان باس تارتۋعا جانە ەلدى مەكەندەردەن تىس جەرلەرگە شىقپاۋ ەسكەرتىلۋدە، - دەپ حابارلايدى “ادىرنا” ۇلتتىق پورتالى وبلىستىق پد ءباسپاسوز قىزمەتىنە سىلتەمە جاساپ.
جۇرگىزۋشىلەرگە اۋا رايى جاعدايلارى مەن كولىك قوزعالىسىنىڭ شەكتەۋلەرى تۋرالى SMS-حابارلاندىرۋلارعا نازار اۋدارۋ ۇسىنىلادى. كولىكتەر بۇزىلىپ، كومەك قاجەت بولعان جاعدايدا، 102 نومىرىنە نەمەسە پوليتسيانىڭ كەزەكشى بولىمىنە حابارلاسۋ قاجەتتىگى ايتىلدى.
ال، وبلىستىق پوليتسەيلەر قۇتقارۋشىلارمەن، ەرىكتىلەرمەن جانە جەرگىلىكتى اتقارۋشى ورگاندارمەن بىرلەسىپ اۋا رايىنىڭ قولايسىزدىعىنان جولدا قالعاندارعا كومەك كورسەتۋدە.
ال اباي اۋدانىندا قىزىلوردا – پاۆلودار تاس جولىنىڭ 788-908-ءشى شاقىرىمىندا توپار اۋىلىنا 55 جولاۋشى مىنگەن اۆتوبۋس جەتكىزىلدى. ساياحاتشىلار مەشىتتەرگە ورنالاستىرىلىپ، جىلى تاماقپەن قامتاماسىز ەتىلدى. قازىر وبلىستا پوليتسەيلەر مۇمكىندىگىنشە جاقىن ماڭداعى ەلدى مەكەندەرگە كولىكتەرگە جول سىلتەۋدە.
