1 قاڭتاردان باستاپ ۇلتتىق قوردىڭ جىل سايىنعى ينۆەستيتسيالىق تابىسىنىڭ 50 پايىزى بالالاردىڭ ارنايى جيناقتاۋ شوتىنا اۋدارىلادى، دەپ حابارلايدى “ادىرنا” ۇلتتىق پورتالى.
قارجى بارلىق بالاعا تەڭ بولىنەدى. ۇلتتىق قور قاراجاتىن ءبىلىم الۋعا جانە تۇرعىن ءۇي جاعدايىن جاقسارتۋعا پايدالانۋعا بولادى.
2024 جىلدىڭ اقپانىندا 18 جاسقا تولعاندار ۇلتتىق قوردان اقشاسىن شەشە الادى. سەبەبى قاراجات شوتقا سول ۋاقىتتان باستاپ اۋدارىلا باستايدى.
الدىن الا مالىمەت بويىنشا، جوبا العاشقى جىلدىڭ وزىندە 7 ميلليوننان استام بالانى قامتيدى. اقشا ەلىمىزدەگى بارلىق بالاعا تەڭدەي بولىنەدى. ونىڭ مولشەرى ۇلتتىق قوردىڭ ينۆەستيتسيالىق تابىسىنا بايلانىستى.
بولجام بويىنشا 2024 جىلى تۋعان بالانىڭ شوتىنا 18 جىلدا 3500 اقش دوللارى جينالۋى ءتيىس. ال جىل سايىن شامامەن 150-160 دوللار اۋدارىلادى.
