2024 جىلعى 1 قاڭتاردان باستاپ گازبەن جۇرەتىن اۆتوكولىكتەرگە ارنايى بەلگى جاپسىرۋ مىندەتى ەنگىزىلدى، دەپ حابارلايدى “ادىرنا” ۇلتتىق پورتالى.
1 قاڭتاردان باستاپ قازاقستاندا گاز باللون جابدىعى بار كولىكتەرگە ارنايى بەلگى ورناتۋ قاجەت. بەلگى قارا جيەگى جانە "GAS" جازۋى بار سارى تەڭبۇيىرلى ءۇشبۇرىش بولادى.
ارنايى بەلگى جابىق پاركينگكە كىرگەن كەزدە كولىكتەردى وڭاي اجىراتۋعا جانە ءتيىمدى باقىلاۋعا كومەكتەسەدى.
گازبەن جۇرەتىن، بىراق كولىگىندە "GAS" بەلگىسى جوق جۇرگىزۋشىلەرگە 3 اەك (2024 جىلى 11 076 تەڭگە) ايىپپۇل سالىنادى.
ساۋدا مينيسترلىگىنىڭ اقپاراتىنشا، ەلىمىزدە گاز باللون جابدىعى ورناتىلعان 380 مىڭنان استام اۆتوكولىك تىركەلگەن.
