شىمكەنت قالاسىنىڭ پروكۋرورلارى الەۋمەتتىك نەسيەلىك تۇرعىن ءۇي الۋدىڭ قىلمىستىق سحەماسىن انىقتادى، دەپ حابارلايدى «ادىرنا» ءتىلشىسى.
«كوشى-قون پوليتسياسى قىزمەتكەرىنىڭ 16 ادامعا قاتىستى الەۋمەتتىك باسپانا الۋ ءۇشىن تۇرعىلىقتى تىركەلۋ ۋاقىتىنا زاڭسىز وزگەرىس ەنگىزۋ فاكتىسى انىقتالدى.
جيناقتالعان قۇجاتتار قىلمىستىق كودەكستىڭ 369-بابىنىڭ 2-1-بولىگىنىڭ نەگىزىندە سدتبت-گە تىركەلدى (قۇقىق قورعاۋ ورگانىنىڭ قىزمەتكەرى جاساعان قىزمەتتىك جالعاندىق) جانە تەرگەۋ اياقتالعاننان كەيىن قىلمىستىق ءىس سوتقا جولداندى»،—دەلىنگەن حابارلامادا.
كوشى-قون پوليتسياسى قىزمەتكەرىنىڭ كىناسى تولىق دالەلدەندى. ول «پوليتسيا مايورى» شەنىنەن ايىرۋمەن 1,5 جىلعا سوتتالدى.
سونىمەن قاتار تاعى 147 ادامدى جالعان تىركەۋگە قويۋ فاكتىسىنە قاتىستى قىلمىستىق ءىس بويىنشا تەرگەپ-تەكسەرۋ جالعاسۋدا.
