سالتانات نۇكەنوۆانىڭ ولىمىنە قاتىستى تەرگەۋ جۇمىستارى اياقتالدى. بۇل تۋرالى ادۆوكات جاننا مۇحامادي مالىمدەدى، دەپ حابارلايدى “ادىرنا” ۇلتتىق پورتالى.
الايدا قورعاۋشى قىلمىستىق ىسكە قاتىستى ماتەريالداردى سالتانات نۇكەنوۆانىڭ وتباسىنا تولىق كورسەتە المايتىنىن جەتكىزدى.
ونىڭ ايتۋىنشا، تاراپتار ءىس ماتەريالدارىمەن تانىسقان سوڭ جانە قورعاۋشى تاراپتىڭ وتىنىشىنەن كەيىن ءىس پروكۋراتۋراعا شەشىم شىعارۋ ءۇشىن جولدانادى.
"مۇنداي قاتىگەزدىكتى، سالقىنقاندىلىقتى كورگەن ەمەسپىن. قازىرگى ۋاقىتتا سالتاناتتىڭ وتباسىنا دەگەن قۇرمەتىمىز ءۇشىن كىسى ءولتىرۋ وقيعاسىنىڭ ءمان-جايىن ايتا المايمىز. تاراپتار ءىس ماتەريالدارىمەن تانىسىپ، قورعاۋ تۋرالى وتىنىشتەرىن بەرگەننەن كەيىن ءىس شەشىم قابىلداۋ ءۇشىن پروكۋراتۋراعا جىبەرىلەدى”، - دەپ حابارلادى ادۆوكات.
ەسكە سالايىق، سالتانات نۇكەنوۆانى ءولتىردى دەگەن كۇدىكپەن ەكس-مينيستر قۋاندىق بيشىمباەۆ ۇستالعان بولاتىن. ايەل ەلورداداعى مەيرامحانادا كوز جۇمدى.
