باتىس قازاقستان وبلىسىندا بولعان جول اپاتىنان 3 ادام قازا تاپقان

باتىس قازاقستان وبلىسىندا جول اپاتى بولىپ، سالدارىنان 12 ادام زارداپ شەگىپ، ءۇش ادام قازا تاپتى، دەپ حابارلايدى "ادىرنا" ۇلتتىق پورتالى "موي گورود" سايتىنا سىلتەمە جاساپ.

"7 قاڭتاردا ساعات 13.30-دا بايتەرەك اۋدانى يانايكينو اۋىلىنىڭ ماڭىنداعى ورال-اتىراۋ تاس جولىندا Chevrolet Nexia جانە Toyota Ipsum اۆتوموبيلدەرى سوقتىعىسقان. اپات سالدارىنان ەكى جۇرگىزۋشى مەن 1 جولاۋشى قازا تاپتى. بارلىعى 12 ادام زارداپ شەكتى، التاۋى - بالالار", - دەلىنگەن حابارلامادا. 1956 جانە 1988 جىلى تۋىلعان ەر ادامدار مەن 1953 جىلى تۋعان ايەلدىڭ قازا تاپقانى انىقتالدى. "التى بالا وبلىستىق كوپسالالى بالالار اۋرۋحاناسىنا جەتكىزىلدى. 14 جاسار بالا اۋىر جاعدايدا رەانيماتسيادا. 17, 15, 10, 10, 3 جاستاعى قىزدار تراۆماتولوگيا بولىمىنە جاتقىزىلدى. ەرەسەكتەر وبلىستىق كوپسالالى اۋرۋحاناعا جەتكىزىلدى. 18 جاستاعى قىز نەيروحيرۋرگيالىق بولىمگە، 22 جاستاعى قىز حيرۋرگيالىق بولىمگە جاتقىزىلدى. دارىگەرلەر ولاردىڭ جاعدايىن ورتاشا اۋىرلىق دارەجەسى رەتىندە باعالايدى. 34 جاستاعى ايەل امبۋلاتوريالىق ەمدەلۋگە جىبەرىلدى", - دەدى ۆەدومستۆودان. قر قك 345-بابى (جول قوزعالىسى ەرەجەلەرىن بۇزۋ) بويىنشا سوتقا دەيىنگى تەرگەۋ باستالدى.

"ادىرنا" ۇلتتىق پورتالى