2023 جىلى قازاقستاندا زاڭسىز قارۋ اينالىمىنىڭ 14 ارناسى جويىلدى، دەپ حابارلايدى “ادىرنا” ۇلتتىق پورتالى ۇلتتىق قاۋىپسىزدىك كوميتەتىنىڭ (ۇقك) ءباسپاسوز قىزمەتىنە سىلتەمە جاساپ.
«2023 جىلى ۇلتتىق قاۋىپسىزدىك كوميتەتى پوليتسيا جانە پروكۋراتۋرا ورگاندارىمەن بىرلەسىپ زاڭسىز اينالىمنان، سونىڭ ىشىندە «قاڭتار وقيعاسى» كەزىندە ۇرلانعان قارۋدى ىزدەستىرۋ جانە الۋ بويىنشا بىرقاتار جەدەل-ىزدەستىرۋ ءىس-شارالارىن جۇرگىزدى. ناتيجەسىندە، زاڭسىز قارۋ اينالىمىنىڭ 14 ارناسى مەن ولاردى قولدان جاسايتىن جەتى تسەح جويىلدى. «51 كالاشنيكوۆ اۆتوماتى، 192 شولاق مىلتىق، 165 تاپانشا، 45 گراناتا، ەكى گراناتومەت، 4 دانا سناريادتار مەن مينالار، جەتى جارىلعىش قۇرىلعى جانە ءارتۇرلى كاليبرلى 36 870 پاترون تاركىلەندى»، - دەلىنگەن سەيسەنبىدەگى حابارلامادا.
ۇقك اتاپ وتكەندەي، قارۋدىڭ زاڭسىز اينالىمىنا قارسى ءىس-شارالار جالعاسۋدا.
“ادىرنا” ۇلتتىق پورتالى
