جۋرناليست اسحات نيازوۆ WhatsApp اككاۋىنتىنىڭ بۇزىلعانىن مالىمدەدى. ايتۋىنشا، وزىنەن بولەك ايەلى، اتا-اناسى مەن ارىپتەسى نازىمگۇل كۇمىسپاەۆا دا حاكەرلىك شابۋىل جاسالعان، دەپ حابارلايدى «ادىرنا» ءتىلشىسى.
«دوستار، مەنىڭ WhatsApp قوسىمشام بۇعاتتالدى. تۇندە ايەلىمنىڭ، اتا-انام مەن ارىپتەسىم نازىمگۇلدىڭ جەلىدەگى قوسىمشاسىنا توسقاۋىل قويىلدى. اتا-انامنىڭ نە قاتىسى بار؟ نازىمگۇلدىڭ قازىر Instagram, Telegram جانە WhatsApp-ى ىستەمەيدى»، – دەدى ول.
ايتا كەتەيىك، ءجۋرناليستىڭ الەۋمەتتىك جەلىلەرىنە شابۋىل 2023 جىلدىڭ جەلتوقسان ايىنىڭ سوڭىندا باستالعان ەدى. بۇعان دەيىن اسحات نيازوۆ Youtube پاراقشاسىندا مىڭداعان سىن-پىكىر مەن بالاعات سوزدەر جازىلعانىن حابارلادى. جۋرناليست پاراقشالارعا جاسالعان شابۋىلدى «قورقىتۋ تالپىنىسى» دەيدى.
اسحات نيازوۆ — «وبوجايۋ» جەكە YouTube ارناسىنىڭ يەسى. ول كوپشىلىككە اكىمدەر تۋرالى باعدارلاما ءتۇسىرۋ ارقىلى تانىلدى.
