تايۆانداعى پرەزيدەنت سايلاۋىندا 64 جاستاعى كانديدات جەڭىسكە جەتتى، دەپ حابارلايدى "ادىرنا" ءتىلشىسى ربك-عا سىلتەمە جاساپ.
سايلاۋدىڭ رەسمي قورىتىندىسىنا سايكەس، پرەزيدەنت رەتىندە سايلانعان لاي تسيندە 40 پايىز داۋىس جيناعان. ال ونىڭ قارسىلاسى حوۋ يۋيگە سايلاۋشىلاردىڭ 33 پايىزى داۋىس بەرىپتى. ال ءۇشىنشى كانديدات كە ۆەنچجە 26 پايىز داۋىس جيناعان.
"گوميندان" پارتياسىنىڭ اتىنان سايلاۋعا تۇسكەن حوۋ يۋي قىتايمەن ارىپتەستىكتى نىعايتۋدى قولداسا، جاڭا باسشى اقش-پەن ارىپتەستىكتى نىعايتۋدى كوزدەۋدە.
باسىلىمنىڭ مالىمەتىنشە، قىتاي لاي تسيندەنى "قاۋىپتى سوعىستىڭ باستاۋشىسى" دەپ اتاعان. دەگەنمەن قىتاي حالىق رەسپۋبليكاسى تايۆان ارالىن ءوز اۋماعىنا جاتقىزادى.
تايۆاننىڭ جاڭا باسشىسى دەموكراتيالىق ىلگەرىلەۋ پارتياسىنىڭ وكىلى لاي تسيندە. ول گارۆارد ۋنيۆەرسيتەتىن بىتىرگەن. ال سايلاۋعا تۇسپەس بۇرىن تايۆان پرەزيدەنتىنىڭ ورىنباسارى قىزمەتىن اتقاردى.
