"مايقايىڭ التىن" كەنىشىندە جەرگە قۇلاعان اۆتوبۋستى ىزدەۋ جۇمىستارى جالعاسۋدا، دەپ حابارلايدى "ادىرنا" ءتىلشىسى.
مايقايىڭدا ماماندار جەرگە قۇلاعان اۆتوبۋستى 17 كۇننەن بەرى ىزدەۋدە. 19 قاڭتار كۇنى ىزدەستىرۋ جۇمىستارىنىڭ بارىسىن پىسىقتاۋ ماقساتىندا وپىرىلعان جەرگە قايتا گەوسكانەرلەۋ جۇرگىزىلدى. شۇڭقىرعا ەكىنشى ەكسكاۆاتور دا تۇسىرىلگەن.
پاۆلودار وبلىستىق تجد ءباسپاسوز قىزمەتىنىڭ حابارلاۋىنشا، شاعىن گاباريتتى ەكسكاۆاتور 850 تەكشە مەترگە جۋىق توپىراقتى قايتا قازىپ، ەكىنشى ەكسكاۆاتور ورىندى كەڭەيتتى.
"20 قاڭتاردا بارلىق قاۋىپسىزدىك ەرەجەلەرىن ساقتاي وتىرىپ، ەكى ەكسكاۆاتوردىڭ كومەگىمەن تىك جانە كولدەنەڭ ساقتاندىرۋ، جۇرگىزۋشىسى بار ەكىنشى شاعىن گاباريتتى ەكسكاۆاتور ءتۇسىرىلدى. ول اۆتوبۋس جۇرەتىن جەردەن ءىرى گاباريتتى تاستاردى الىپ جاتىر", – دەپ حابارلادى وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتى.
بۇگىندە مايقايىڭداعى ىزدەۋ جۇمىستارىنا 147 ادام، 45 تەحنيكا، ءۇش كينولوگ جانە ەكى ۇشقىشسىز ۇشۋ اپپاراتى جۇمىلدىرىلعان.
وقيعا ورنىندا جۇمىس ىستەپ جاتقان قۇتقارۋشىلار شۇڭقىرعا قۇلاعان اۆتوبۋستىڭ بولشەكتەرى مەن ەكى ادامنىڭ ءمايىتىن تاپقان.
