قازاقستانعا ورالعان ازاماتتاردىڭ قان قۇرامىندا «قازاق گەنومى» بار-جوعى تەكسەرىلۋى مۇمكىن. بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگى كوشى-قون كوميتەتىنىڭ توراعاسى اسقاربەك ەرتاەۆ مالىمدەدى، دەپ حابارلايدى «ادىرنا» ءتىلشىسى.
ايتۋىنشا، س«قانداس» مارتەبەسىن العىسى كەلەتىن ۇمىتكەرلەردە ۇلتى كورسەتىلگەن قۇجات بولماسا نەمەسە اكىمدىكتە قانداي دا ءبىر كۇمان تۋىنداسا، ساراپتاما جۇرگىزىلەدى. ال كوميسسيا قۇرامىنا جۇمىسپەن قامتۋ، ءبىلىم بەرۋ، ىشكى ساياسات جانە ىشكى ىستەر باسقارمالارىنىڭ، ۇلتتىق قاۋىپسىزدىك كوميتەتى وكىلدەرى كىرەدى.
«بۇدان بولەك، ۇلتتى ايقىنداۋ سالاسىنداعى پروفەسسورلار مەن ساراپشىلار قاتىسادى. ولار ۇلتىن راستاي الماعان ءار ازاماتتىڭ ءوتىنىشىن ۇجىم بولىپ قاراپ، وعان قانداس دارەجەسىن بەرۋگە بولا ما دەگەن ماسەلەنى شەشەدى. كوميسسيادا قانداي دا ءبىر كۇمان تۋىنداعان جاعدايدا گەنومدىق ساراپتاما جۇرگىزىلەدى. ساراپتاما ارقىلى ازاماتتىڭ قازاق ۇلتىنا قاتىسى بار-جوعى انىقتالادى»، - دەپ ءتۇسىندىردى ول.
