گولان بيىكتەرىندەگى قازاقستاندىق بىتىمگەرلەردىڭ ەڭبەكاقىسىن قورعانىس مينيسترلىگى مەن بۇۇ تولەيتىن بولادى، دەپ حابارلايدى “ادىرنا” ۇلتتىق پورتالى قورعانىس مينيسترلىگىنىڭ ءباسپاسوز قىزمەتىنە سىلتەمە جاساپ.
«بىتىمگەرشىلىك كونتينگەنتىنىڭ اسكەري قىزمەتشىلەرى قازاقستان رەسپۋبليكاسى قورعانىس مينيسترلىگى تاراپىنان قىزمەت وتكەرگەن ءاربىر اي ءۇشىن ءۇش ايلىق جالاقى مولشەرىندە جالاقىمەن قامتاماسىز ەتىلەدى»، - دەپ راستادى قورعانىس مينيسترلىگىنىڭ ءباسپاسوز قىزمەتى.
سونىمەن قاتار، بۇۇ اي سايىن 1448 دوللار تولەيتىن بولادى.
ەستەرىڭىزگە سالا كەتەيىك، بۇۇ ميسسيالارىنا قاتىسۋ ءۇشىن 430-عا دەيىن ادام بارادى: «گولان بيىكتەرىندەگى بۇۇ باقىلاۋشى كۇشتەرى» (UNDOF, سيريا – يزرايل);
«بۇۇ بىتىمگەرشىلىكتى قاداعالاۋ ۇيىمى» (UNTSO, پالەستينا – يزرايل);
«وڭتۇستىك سۋدان رەسپۋبليكاسىنداعى بۇۇ ميسسياسى» (UNMISS, وڭتۇستىك سۋدان);
«ابيە ءۇشىن بۇۇ ۋاقىتشا قاۋىپسىزدىك كۇشتەرى» (UNISFA, سۋدان).
“ادىرنا” ۇلتتىق پورتالى
