Golan bıikterindegi qazaqstandyq bitimgerlerdiń eńbekaqysyn Qorǵanys mınıstrligi men BUU tóleıtin bolady, dep habarlaıdy “Adyrna” ulttyq portaly Qorǵanys mınıstrliginiń baspasóz qyzmetine silteme jasap.
«Bitimgershilik kontıngentiniń áskerı qyzmetshileri Qazaqstan Respýblıkasy Qorǵanys mınıstrligi tarapynan qyzmet ótkergen árbir aı úshin úsh aılyq jalaqy mólsherinde jalaqymen qamtamasyz etiledi», - dep rastady Qorǵanys mınıstrliginiń baspasóz qyzmeti.
Sonymen qatar, BUU aı saıyn 1448 dollar tóleıtin bolady.
Esterińizge sala keteıik, BUU mıssııalaryna qatysý úshin 430-ǵa deıin adam barady: «Golan bıikterindegi BUU baqylaýshy kúshteri» (UNDOF, Sırııa – Izraıl);
«BUU bitimgershilikti qadaǵalaý uıymy» (UNTSO, Palestına – Izraıl);
«Ońtústik Sýdan Respýblıkasyndaǵy BUU Mıssııasy» (UNMISS, Ońtústik Sýdan);
«Abıe úshin BUU ýaqytsha qaýipsizdik kúshteri» (UNISFA, Sýdan).
“Adyrna” ulttyq portaly
