توتەنشە جاعدايلار مينيسترلىگى اقمولا وبلىسىنداعى ءزىلزالانى جوققا شىعاردى، دەپ حابارلايدى “ادىرنا” پورتالى.
Earthquake قوسىمشاسىندا "بۋراباي" مەملەكەتتىك ۇلتتىق تابيعي پاركىنىڭ جانىندا جەر سىلكىنىسى بولعانى تۋرالى مالىمەتتەر پايدا بولعان بولاتىن.
بۇل باعدارلاما الەمدەگى سوڭعى جەر سىلكىنىستەرىن ونلاين باقىلاۋعا مۇمكىندىك بەرەتىن قوسىمشا. Earthquake حابارلانعانداي، جەر سىلكىنىسى نەگىزى استانا ۋاقىتى بويىنشا ساعات 13:57-دە بولعان.
تجم جەر دۇمپۋلەرىنىڭ بولماعانىن مالىمدەدى.
4 اقپاندا 13-57-دە "Earthquake" قوسىمشاسى اقمولا وبلىسىنىڭ اۋماعىندا، "بۋراباي" پاركىنىڭ جانىندا بولعان جەر سىلكىنىسى تۋرالى اقپاراتتى جاريالادى. تجم سەيسميكالىق باقىلاۋلار مەن زەرتتەۋلەردىڭ ۇلتتىق عىلىمي ورتالىعى بۇل جاعدايدا جەر سىلكىنىسىن راستامايدى،-دەلىنگەن ءباسپاسوز قىزمەتىنىڭ حابارلاماسىندا.
