تۇرىك عارىشكەرى الپەر گەزەراۆجى مىنگەن «اكسيوم-3» ەكيپاجىمەن Dragon عارىش كەمەسىنىڭ جەرگە ورالۋى فلوريدا جاعالاۋىنداعى قولايسىز اۋا رايىنا بايلانىستى تاعى كەيىنگە شەگەرىلدى، دەپ حابارلايدى "ادىرنا" ۇلتتىق پورتالى.
«فلوريدا جاعالاۋىندا جالعاسىپ جاتقان قولايسىز اۋا-رايىنا بايلانىستى Dragon عارىش كەمەسى سەيسەنبى كۇنى حالىقارالىق عارىش ستانتسياسىنان شىعارىلعاننان كەيىن جۇمىس ىستەمەي قالدى. Ax-3 ەكيپاجى مەن عارىش كەمەسىندە بارلىعى دۇرىس، ال كوماندالار كەلەسى قايتۋ مۇمكىندىگىن انىقتاۋ ءۇشىن اۋا رايى جاعدايىن باقىلاۋدى جالعاستىرادى»، - دەلىنگەن حابارلامادا.
عارىش كەمەسى SpaceX Falcon 9 زىمىرانى ارقىلى اقش-تىڭ فلوريدا شتاتىنداعى كەننەدي عارىش ورتالىعىنان 18 قاڭتاردا اقش-تىڭ شىعىس جاعالاۋى ۋاقىتىمەن 16:49-دا (19 قاڭتار، تۇركيا ۋاقىتىمەن 00:49) ۇشىرىلدى.
Ax-3 ەكيپاجىنىڭ قۇرامىندا مايكل لوپەس-الەگريا (اقش), ۆالتەر ۆيللادەي (يتاليا), ماركۋس ۆانت (شۆەتسيا) جانە تۇرىك عارىشكەرى الپەر گەزەراۆجي بار.
كەمەنىڭ قايتارىلۋى اقپاننىڭ ءۇشىنشى كۇنىنە جوسپارلانعان بولاتىن، بىراق كەيىن فلوريدا جاعالاۋىنداعى قولايسىز اۋا رايى جاعدايلارىنا بايلانىستى بەسىنشى اقپانعا، سودان كەيىن التىنشى اقپانعا اۋىستىرىلدى. جەرگە ورالۋ كۇنى ازىرگە ناقتى بەلگىسىز.
