قىرعىزستان پرەزيدەنتى سادىر جاپاروۆ رەسپۋبليكادا ءسوز بوستاندىعىن شەكتەۋ مۇمكىن ەمەس دەپ مالىمدەدى. دەگەنمەن، جاعدايدى تۇراقسىزداندىرۋعا مۇددەلى، ۇگىت-ناسيحات ارقىلى حالىق اراسىندا بيلىككە دەگەن سىني كوزقاراستى قالىپتاستىراتىندار بار. بۇل تۋرالى ول «كابار» باسىلىمىنا بەرگەن سۇحباتىندا «Temirov Live» ونلاين-جوباسى جۋرناليستەرىنىڭ جاعدايىنا قاتىستى پىكىرىن ءبىلدىردى، دەپ حابارلايدى “ادىرنا” ۇلتتىق پورتالى.
سادىر جاپاروۆ «ءسوز بوستاندىعى» دەگەن ءسوزدىڭ استىنا تىعىلىپ، قالاعانىن جاسايتىن مۇنداي ادامداردى «جالعان پاتريوتتار» دەپ اتادى.
«حالىق اراسىندا سىني ويلاۋدى دامىتۋعا باعىتتالعان ۇگىت-ناسيحات جۇمىستارى بەلسەندى جۇرگىزىلۋدە. بۇل مەملەكەتتىگىمىزگە، دىلىمىزگە، سالت-داستۇرىمىزگە قايشى كەلەدى. جالعان اقپارات تاراۋدا، بىرەۋگە جالا جابۋ ارەكەتتەرى كوبەيدى»، - دەپ اتاپ ءوتتى ساياساتكەر.
بىرنەشە ساعاتتان كەيىن «كابار» اگەنتتىگى جاپاروۆتىڭ سۇحباتىنىڭ ءماتىنىن وزگەرتىپ، ودان «حالىق اراسىندا سىني ويلاۋدى دامىتۋعا باعىتتالعان ۇگىت-ناسيحات» دەگەن ءسوزدى الىپ تاستادى.
