Qyrǧyzstan prezidentı Sadyr Japarov respublikada söz bostandyǧyn şekteu mümkın emes dep mälımdedı. Degenmen, jaǧdaidy tūraqsyzdandyruǧa müddelı, ügıt-nasihat arqyly halyq arasynda bilıkke degen syni közqarasty qalyptastyratyndar bar. Būl turaly ol «Kabar» basylymyna bergen sūhbatynda «Temirov Live» onlain-jobasy jurnalisterınıŋ jaǧdaiyna qatysty pıkırın bıldırdı, dep habarlaidy “Adyrna” ūlttyq portaly.
Sadyr Japarov «söz bostandyǧy» degen sözdıŋ astyna tyǧylyp, qalaǧanyn jasaityn mūndai adamdardy «jalǧan patriottar» dep atady.
«Halyq arasynda syni oilaudy damytuǧa baǧyttalǧan ügıt-nasihat jūmystary belsendı jürgızılude. Būl memlekettıgımızge, dılımızge, salt-dästürımızge qaişy keledı. Jalǧan aqparat tarauda, bıreuge jala jabu äreketterı köbeidı», - dep atap öttı saiasatker.
Bırneşe saǧattan keiın «Kabar» agenttıgı Japarovtyŋ sūhbatynyŋ mätının özgertıp, odan «halyq arasynda syni oilaudy damytuǧa baǧyttalǧan ügıt-nasihat» degen sözdı alyp tastady.
