رەسەي پرەزيدەنتى ۆلاديمير ءپۋتيننىڭ تاكەر كارلسونمەن سۇحباتى امەريكالىق ءجۋرناليستىڭ سايتىندا جاريالانىپ، الەۋمەتتىك جەلىدە كورسەتىلدى، دەپ حابارلايدى “ادىرنا” ۇلتتىق پورتالى.
ءجۋرناليستىڭ ايتۋىنشا، بۇل وڭدەلمەگەن نۇسقا.
سۇحبات بارىسىندا پۋتين ۋكراينالىق ارىپتەسىنىڭ رەسەيمەن كەلىسسوز جۇرگىزۋ ەركىندىگى بولدى، قازىر دە مۇمكىندىك بار دەپ سانايدى.
جۋرناليست پۋتيننەن زەلەنسكيدىڭ قاقتىعىستى رەتتەۋ بويىنشا كەلىسسوز جۇرگىزۋ ەركىندىگى بار ما دەپ سۇرادى.
"بىلمەيمىن. بۇل ماسەلە بويىنشا ماعان باعا بەرۋ قيىن. بىراق قالاي بولعاندا دا ول ەركىندىك بار جانە كەزىندە بولدى دەپ ويلايمىن", - دەپ جاۋاپ بەردى رەسەيلىك پرەزيدەنت.
سونداي-اق، پۋتين زەلەنسكيمەن ۋكرايناداعى نەوناتسيزم تۋرالى سويلەسكەنىن ايتتى.
"بىردە مەن ونىمەن بۇل تۋرالى سويلەستىم. مەن "ۆولوديا، سەن نە ىستەپ جاتىرسىڭ؟ اكەڭ فاشيزمگە قارسى سوعىسقاندا، بۇگىندە ۋكرايناداعى نەوناتسيستەردى نەگە قولداپ وتىرسىڭ؟ ول مايدانگەر بولعان" دەپ ايتتىم", - دەدى پۋتين.
ءپۋتيننىڭ ايتۋىنشا، پرەزيدەنتتىك بيلىككە كەلگەن ۆلاديمير زەلەنسكي "ەكى نارسەنى" ءتۇسىندى.
"بىرىنشىدەن، نەوناتسيستەرمەن جانە ۇلتشىلدارمەن جانجالداسپاعان دۇرىس. ويتكەنى ولار اگرەسسيۆتى جانە وتە بەلسەندى، سوندىقتان ولاردان كەز كەلگەن نارسەنى كۇتۋگە بولادى. ەكىنشىدەن، اقش باستاعان باتىس رەسەيگە قارسى سوعىسقاندارعا ارقاشان قولداۋ كورسەتەدى، سوندىقتان بۇل ءتيىمدى جانە قاۋىپسىز", - دەدى رەسەي باسشىسى.
ءپۋتيننىڭ ايتۋىنشا، زەلەنسكي وز حالقىنا ۋكرايناداعى سوعىستى اياقتايمىز دەپ ۋادە بەرگەنىمەن، قازىر ءتيىمدى كوزقاراستى ۇستانىپ وتىر. ول ءوز سايلاۋشىلارىن الداعان.
سونداي-اق، جۋرناليستپەن اڭگىمەلەسۋ بارىسىندا پۋتين ۋكرايناداعى جاعدايدى تالقىلاپ، ونى بەيبىت كەلىسسوزدەردەن، سونداي-اق ناتو جانە اقش-پەن قارىم-قاتىناستان باس تارتتى دەپ تاعى دا ايىپتادى. بۇدان بولەك، ولار «سولتۇستىك اعىن» جانە «سولتۇستىك اعىن-2» گاز قۇبىرلارىنىڭ جارىلىستارى مەن رەسەيدە تىڭشىلىق جاسادى دەپ ايىپتالعان The Wall Street Journal ءجۋرناليسى ەۆان گەرشكوۆيچتىڭ قاماۋعا الىنۋىن ايتا كەتتى.
