ۋكراينا پرەزيدەنتى ۆلاديمير زەلەنسكي ماسكەۋگە كەلىسسوزدەر جۇرگىزۋى ءۇشىن كەلۋى مۇمكىن. بۇل تۋرالى رەسەي پرەزيدەنتى ۆلاديمير پۋتين قىتايعا جاساعان ساپارىنىڭ قورىتىندىسى بويىنشا وتكىزگەن ءباسپاسوز جيىنىندا ايتتى، دەپ حابارلايدى «ادىرنا» ءتىلشىسى.
ول زەلەنسكيمەن كەزدەسۋدەن ەشقاشان باس تارتپاعانىن قايتالاپ ءوتتى.
«دونالد ترامپ وسىنداي كەزدەسۋ وتكىزۋىمدى ءوتىندى. ەگەر زەلەنسكي ماسكەۋگە كەلۋگە دايىن بولسا، كەزدەسۋ وتەدى»، – دەدى پۋتين.
بۇعان دەيىن تامىز ايىندا ءپۋتيننىڭ وسىنداي ۇسىنىسى تۋرالى AFP حابارلاعان ەدى. اگەنتتىكتىڭ دەرەگىنشە، رەسەي پرەزيدەنتى بۇل ويدى امەريكالىق ارىپتەسى دونالد ترامپپەن الياسكاداعى اڭگىمە بارىسىندا ايتقان. كەيىنىرەك اگەنتتىك زەلەنسكيدىڭ كەزدەسۋدەن باس تارتقانىن جەتكىزدى.
ۇقساس جاڭالىقتار
