كورەي حالىق رەسپۋبليكاسىنىڭ باسشىسى كيم جەن ىننىڭ تۋعان اپكەسى الەمدەگى تۇراقسىزدىق ءۇشىن اقش پەن ۋكراينانى ايىپتاپ، رەسەيگە قولداۋ بىلدىرۋگە دايار ەكەندىگىن جەتكىزدى. كيم ە جوننىڭ ايتۋىنشا، سولتۇستىك كورەيلەر ورىس ءۇشىن جان الىپ - جان بەرىسۋگە دايىن وتىر، دەپ حابارلايدى "ادىرنا" ۇلتتىق پورتالى "lenta.ru"-عا سىلتەمە كورسەتە وتىرىپ.
كيم جەن ىننىڭ اپكەسى كيم ە جوننىڭ سوزىنە سەنسەك، پحەنيان ماسكەۋمەن بىرلەسىپ، قيىن-قىستاۋ كەزەڭدەرگە قاسقايا قارسى تۇرۋعا دايىن.
- پحەنيان ءاردايىم ماسكەۋ جاعىنا شىعادى. رەسەي ارمياسىمەن جانە حالقىمەن ءبىر شەپتە بولىپ، جەرتاسادا قاتار جاتىپ، قارسى تاراپقا وق اتادى، - دەپ مالىمدەدى كحدر باسشىسىنىڭ اپكەسى، كورەيانىڭ ەڭبەك پارتياسى وك ءبولىمى باستىعىنىڭ ورىنباسارى كيم ە جون.
سولتۇستىك حان گۋr حانىمى ۋكرايناداعى قاقتىعىس اقش-تىڭ ساياسي الاڭعا "شي جۇگىرتۋىمەن" دامىعانىن اتاپ ءوتتى. سونىمەن قاتار، امەريكانىڭ كيەۆكە قارۋ تاسۋىن ىلاڭ ارەكەتكە بالادى. رەسەي جاقىن كۇندەرى بارلىق تاسىلعان قارۋدى تارتىپ الىپ، ورتەپ جىبەرەتىنىنە كامىل سەنەتىنىن باسا ايتتى.
مۇنداي دەرەكتەردى، سولتۇستىك كورەيا كوشباسشىسىنىڭ تۋىستارىنىڭ سوزدەرىن، كحدر ورتالىق تەلەگراف اگەنتتىگى (تستاك) كەلتىرەدى.
"ادىرنا" ۇلتتىق پورتالى.
