رەسەي پرەزيدەنتى ۆلاديمير پۋتين تاۋەلسىز مەملەكەتتەر دوستاستىعى ۇكىمەت باسشىلارى كەڭەسىنىڭ وتىرىسىندا حالىقارالىق ورىس ءتىلى ۇيىمى قىزمەتىنىڭ پراكتيكالىق ماسەلەلەرىن شەشۋ ماڭىزدى دەپ مالىمدەدى، دەپ حابارلايدى “ادىرنا” ۇلتتىق پورتالى.
«رەسەي ءوزىنىڭ تمد-عا توراعالىعى كەزىندە ورتاق مۇرامىزدى – ءبىزدىڭ ەلدەردە دە، الەمدە دە جۇزدەگەن ميلليون ادامنىڭ ۇلتارالىق قاتىناس ءتىلى بولعان جانە بولىپ قالا بەرەتىن ورىس ءتىلىن ساقتاۋ تاقىرىبىنا ەرەكشە كوڭىل بولەدى»، - دەدى ول تاۋەلسىز مەملەكەتتەر دوستاستىعى ۇكىمەت باسشىلارى كەڭەسىنىڭ وتىرىسىنا قاتىسۋشىلارعا ارناعان ۇندەۋىندە.
سونداي-اق، ول 13 قازاندا بىشكەك سامميتىندە حالىقارالىق ورىس ءتىلى ۇيىمىن قۇرۋ تۋرالى شارتقا قول قويىلعانىن ايتا كەتتى.
«شتاب پاتەرى سوچيدە ورنالاساتىن بۇل قۇرىلىم تمد اياسىندا دا، ودان تىس جەرلەردە دە ءوزارا تۇسىنىستىك پەن ەركىن قارىم-قاتىناستىڭ كىلتى رەتىندە ورىس ءتىلىن قورعاپ، ناسيحاتتاۋعا كومەكتەسەدى. قازىر ۇيىم قىزمەتىنىڭ پراكتيكالىق ماسەلەلەرىن شەشۋ، ونىڭ نەگىز بولاتىن قۇجاتتارىن ازىرلەۋ، سونداي-اق ءبىرىنشى مينيسترلىك كونفەرەنتسياسىن دايىنداپ، وتكىزۋ ماڭىزدى»، - دەدى پۋتين.
