تاجىكستان پرەزيدەنتى ەمومالي راحمونوۆ ماسكەۋدەگى تەراكتىدەن كەيىن رەسەي پرەزيدەنتىمەن تەلەفون ارقىلى سويلەستى. بۇل تۋرالى تاجىكستان پرەزيدەنتىنىڭ رەسمي سايتى جاريالادى، دەپ حابارلايدى “ادىرنا” ۇلتتىق پورتالى.
تاجىكستان پرەزيدەنتى «كروكۋس سيتي حوللداعى» قاندى تەرروريستىك ارەكەتتى ايىپتاپ، «تەرروريستەردە ۇلت تا، وتان دا، ءدىن دە جوق ەكەنىن» ەرەكشە اتاپ ءوتتى.
تاجىكستان پرەزيدەنتى قازا تاپقانداردىڭ وتباسىلارى مەن جاقىندارىنا قايعىرىپ كوڭىل ايتاتىنىن جەتكىزدى. سونداي-اق زارداپ شەككەندەردىڭ تەزىرەك ساۋىعىپ كەتۋىن تىلەدى. ونىڭ ايتۋىنشا، تاجىكستان ازاماتتارىنىڭ جالپىۇلتتىق ازا تۇتىپ جاتقان رەسەيمەن تىلەگى ءبىر.
“سونداي-اق تاراپتار تەرروريزم، ەكسترەميزم مەن ءدىني راديكاليزمگە قارسى كۇرەس جولىندا تىعىز ارەكەت ەتۋدى جالعاستىرۋعا مۇددەلى ەكەنىن راستادى”، - دەلىنگەن رەسمي حابارلامادا.
