13 جەلتوقساندا اشحابادتا وتكەن حالىقارالىق فورۋم بارىسىندا پاكىستان پرەمەر-ءمينيسترى شەحباز شاريف ەكى پرەزيدەنتتىڭ كەلىسسوزىنە كىرىپ كەتكەن، دەپ حابارلايدى "ادىرنا" ۇلتتىق پورتالى Avia.pro-عا سىلتەپ.
رەسەي پرەزيدەنتى ۆلاديمير پۋتينمەن جەكە كەزدەسۋ ءۇشىن 40 مينۋتتان استام ۋاقىت كۇتكەن. الايدا وسى ۋاقىت ارالىعىندا رەسەي باسشىسىنىڭ تۇركيا پرەزيدەنتى رەجەپ تايىپ ەردوعانمەن كەلىسسوزى ۇزاققا سوزىلعان.
رەسەيلىك باق مالىمەتىنشە، كەلىسسوزدەردىڭ سوزىلىپ كەتۋىنە بايلانىستى شەحباز شاريف قاۋىپسىزدىك قىزمەتىنىڭ قارسىلىعىنا قاراماستان، زالعا كىرىپ، پۋتين مەن ەردوعاننىڭ اڭگىمەسىنە قوسىلعان. ول بولمە ىشىندە شامامەن ون مينۋتتاي بولىپ، كەيىن زالدان شىعىپ كەتكەن.
وقيعا ءساتى ۆيدەوعا ءتۇسىپ، الەۋمەتتىك جەلىلەردە كەڭىنەن تارادى. بۇل جاعداي قوعامدا قىزۋ تالقىلاۋعا سەبەپ بولدى. الايدا كەيبىر دەرەككوزدەر كەيىنىرەك وقيعانىڭ ءمان-جايى بۇرمالانىپ بەرىلۋى مۇمكىن ەكەنىن دە العا تارتتى.
ال ۆلاديمير پۋتين مەن رەجەپ تايىپ ەردوعان اراسىنداعى كەزدەسۋ شامامەن 40 مينۋتقا سوزىلعان. كەي اقپاراتتارعا سايكەس، كەلىسسوز بارىسىندا رەسەيلىك اكتيۆتەردى تاركىلەۋ ماسەلەسى تالقىلانعان.
