13 jeltoqsanda Aşhabadta ötken halyqaralyq forum barysynda Päkıstan premer-ministrı Şehbaz Şarif ekı prezidenttıŋ kelıssözıne kırıp ketken, dep habarlaidy "Adyrna" ūlttyq portaly Avia.pro-ǧa sıltep.
Resei prezidentı Vladimir Putinmen jeke kezdesu üşın 40 minuttan astam uaqyt kütken. Alaida osy uaqyt aralyǧynda Resei basşysynyŋ Türkiia prezidentı Rejep Taiyp Erdoǧanmen kelıssözı ūzaqqa sozylǧan.
Reseilık BAQ mälımetınşe, kelıssözderdıŋ sozylyp ketuıne bailanysty Şehbaz Şarif qauıpsızdık qyzmetınıŋ qarsylyǧyna qaramastan, zalǧa kırıp, Putin men Erdoǧannyŋ äŋgımesıne qosylǧan. Ol bölme ışınde şamamen on minuttai bolyp, keiın zaldan şyǧyp ketken.
Oqiǧa sätı videoǧa tüsıp, äleumettık jelılerde keŋınen tarady. Būl jaǧdai qoǧamda qyzu talqylauǧa sebep boldy. Alaida keibır derekközder keiınırek oqiǧanyŋ män-jaiy būrmalanyp berıluı mümkın ekenın de alǧa tartty.
Al Vladimir Putin men Rejep Taiyp Erdoǧan arasyndaǧy kezdesu şamamen 40 minutqa sozylǧan. Kei aqparattarǧa säikes, kelıssöz barysynda reseilık aktivterdı tärkıleu mäselesı talqylanǧan.
