Resei prezidentı Vladimir Putin Ukrainadaǧy soǧysty aiaqtau jönındegı üşjaqty kelıssözderdı qaita bastauǧa daiyn ekenın mälımdedı. Alaida ol maidan şebındegı atysty toqtatu ūsynysyn qoldamai, Donbasty Resei aumaǧy dep atady. Būl turaly Putin memlekettık VGTRK mediaholdingınıŋ jurnalisı Pavel Zarubinge bergen sūhbatynda aitty, dep habarlaidy “Adyrna”.
22 qazanda jariialanǧan sūhbatynda Putin AQŞ prezidentınıŋ arnaiy ökılı Stiven Uitkoffpen kezdesude Vaşingtonnyŋ deldaldyǧymen Kievpen dialogty qaita bastauǧa kelıskenın jetkızdı.
Resei basşysynyŋ aituynşa, kelıssözderdıŋ negızgı maqsaty – uaqytşa bıtımge qol jetkızu emes, tüpkılıktı beibıt kelısım jasalǧannan keiın Ukraina men Reseidıŋ qauıpsızdıgın qamtamasyz etu mäselesın talqylau.
«Bız osy maqsatqa jetu üşın bailanystardy qaita bastauǧa daiynbyz», – dedı Putin.
Ukraina prezidentı Vladimir Zelenskii būǧan deiın soǧysty aiaqtau joldaryn talqylau üşın Putinmen jäne AQŞ prezidentı Donald Tramppen üşjaqty kezdesuge daiyn ekenın mälımdegen bolatyn.
Alaida Kreml mūndai kezdesu formatyna bırneşe ret qarsylyq bıldırıp, kei jaǧdaida Zelenskiige Mäskeuge kelu siiaqty talaptar qoiǧan. Kiev mūndai şarttardy kelıssözderge degen şynaiy daiyndyqtyŋ belgısı retınde qabyldamaǧan.
Putin men Uitkofftyŋ kezdesuınen keiın Mäskeu Ukrainamen kelıssözderdı qandai deŋgeidegı ökılder arqyly jürgızuge daiyn ekenın naqtylaǧan joq.
Sonymen qatar Resei prezidentınıŋ kömekşısı Iýrii Uşakov AQŞ prezidentı Donald Tramptyŋ ökılderı Reseige jetkızgen ūsynystar Mäskeudı «mülde qanaǧattandyrmaitynyn» mälımdedı. Būl jaǧdai kelıssözderge qatysty ūstanymdar arasynda eleulı alşaqtyq saqtalyp otyrǧanyn aŋǧartady.
Sūhbat barysynda Putin Ukraina prezidentı Vladimir Zelenskiidıŋ maidandaǧy qazırgı bailanys syzyǧy boiynşa soǧys qimyldaryn toqtatuǧa daiyn ekenı jönındegı mälımdemesıne de tüsınıkteme berdı.
Resei basşysy būl ūsynysty qoldamai, Donbasty «tarihi Reseidıŋ aumaǧy» dep atady.
Būǧan deiın, 2025 jyly, AQŞ prezidentı Donald Tramp ta maidan şebı boiynşa atysty toqtatu ideiasyn qoldaǧany turaly aqparat taraǧan edı. Alaida būl täsıl Reseidıŋ Donbastyŋ bükıl aumaǧyn Ukrainadan talap etu jönındegı ūstanymyna qaişy keledı.
Osylaişa, taraptardyŋ soǧysty toqtatudyŋ şarttary jönındegı közqarastary älı de säikes kelmeidı.
Putin sūhbatta Reseidıŋ Ukrainamen soǧysqysy kelmeitının aityp, äskeri qaqtyǧystyŋ jalǧasuyna jauapkerşılıktı Kievke jüktedı.
«Soŋǧy genetikalyq zertteuler orystar men ukraindardyŋ bır halyq ekenın körsetıp otyr», – dedı Resei prezidentı.
Alaida ol genetikalyq zertteulerdıŋ nätijelerı ūlttyq egemendık mäselesıne qandai qatysy bar ekenın tüsındırmedı.
Putinnıŋ kelıssözderge daiyn ekenı turaly mälımdemesıne qaramastan, sūhbat jariialanǧan künı Ukraina aumaǧyndaǧy reseilık şabuyldar toqtaǧan joq.
Ukraina tarapynyŋ mälımetınşe, Resei küşterı Harkov oblysyndaǧy Lozovaia qalasyndaǧy kiım-keşek bazaryna, Kievtıŋ tarihi ortalyǧyna, sondai-aq eldıŋ türlı öŋırlerındegı avtomobil joldary men köpırlerge soqqy jasaǧan.
Lozovaia qalasyndaǧy şabuyl saldarynan ekı adam qaza tauyp, 34 adam jaralanǧan.
