Mäjılıs deputaty Erlan Sairov Päkıstandaǧy qazaqtardyŋ taǧdyryna alaŋdauly ekenın aityp, olarǧa şūǧyl kömek körsetuge şaqyrdy, dep habarlaidy «Adyrna» tılşısı.
«Päkıstannyŋ Karachi qalasynan Hamit «Jorabai degen qazaq bauyrymyz habarlasty. Onyŋ aituynşa, osydan 2 jyl būryn 40 janūia, 300 qazaq Auǧanstannan Päkıstanǧa bosyp barǧan. Olarǧa Qazaqstannyŋ Päkıstandaǧy elşısı kelıp, jaǧdaidy körıp, kömektesuge uäde bergen. 30 tamyz künı Päkıstan osy 300 qazaqty qaitadan Auǧanstanǧa deportasiialaityndaryn mälımdegen»,—dedı deputat.
Sairov bırden Syrtqy ıster ministrlıgıne habarlasqanyn mälımdedı.
«Vedomstvo būl jaǧdai turaly bıletının, alaida kömektese almaityndaryn mälımdedı. Aitularynşa, azamattardyŋ qolynda «ūlty qazaq» degen anyqtama joq. Būl mäselenı şeşu üşın qaitadan Auǧanstanǧa baryp, qajet anyqtamany alu kerek eken. Ol elge barsa, jaǧdailary öte qiyn bolady. Sondyqtan men Ükımet basşysy Oljas Bektenovke, Syrtqy ıster ministrı Mūrat Nūrtıleuge ündeu jariialaimyn. Qan su emes. Bız iısı qazaqty qūtqaruymyz kerek. Qūrmettı azamattar, 300 qazaqty köşıruge jaǧdai jasaiyq. Eger mümkındıgımız bolmasa, BŪŪ Bosqyndar ısterı jönındegı Joǧarǧy komissary basqarmasynyna ötınış jasau kerek. Olar 300 qazaqty bosqyn retınde moiyndaulary kerek. Sol kezde atalǧan azamattardyŋ qauıpsızdıgı şeşıledı. Qūrmettı qauym, qoldaularyŋyzdy sūraimyn!»—dep tolyqtyrdy ol.
