Pavlodar. Ortalyq monşa. Pardan şyǧyp, barda otyr edık. Qasyma ekı jıgıt keldı.
-Assalaumaǧaleikum aǧa!
-Uaǧaleikumassalam! Molda bol.
-Aǧa, sızdı jaŋa jıgıtter voenkor dedı. Aitatyn äŋgımem bar edı.
- Men jurnalistpyn. Voennyi korrespondent emespın. Bıraq, äŋgımelerıŋdı tyŋdauǧa yqylastymyn.
Reseidıŋ Altai ölkesınıŋ qazaqtary eken. Myna soǧys az ūlttarǧa zobalaŋ boldy deidı. Segız-aq üiı bar körşı auylda 14 mola jaŋadan qazylypty.
"Menıŋ tuǧan bauyrymnyŋ qyrqy älı ötken joq. Gruz-200 bolyp keldı. Bızdıŋ auyl üşın bırınşı kelgen Gruz-200 boldy. Osy künge deiın auyldaǧylar Resei myqty ma, Ukraina myqty ma dep daulasatyn. Soǧysty talqylaityn. Menıŋ bauyrymnyŋ mäiıtı kelgelı bükıl auyl auzyn aşpaityn boldy. Ündemeidı. Toi-tomalaq, as-qatymda ol jaily söz qozǧamaidy. Ainalyp ötedı. Maŋaida qara qaǧaz alǧandar köbeidı. Bır jaǧynan jūmyssyzdyq ta qysyp barady. Aqşa tabamyz dep kelısım-şartqa qol qoiyp, Ukrainaǧa ketıp jatyr. Soǧys bastalǧan bette mobilizasiia bolatynyn bılgender būta qorǧalaǧan torǧaidai Qazaqstanǧa ötıp aldy. Äke-şeşem erte kezde köşeiık degende tuǧan jer dep ketpep edık. Endı jalǧyz bauyrymnyŋ molasyn dalaǧa qaldyryp qalai köşemın" degen jıgıttıŋ közıne jas ırkıldı.
Qazır auylynyŋ jastaryn Pavlodarǧa äkep, jūmysqa ornalastyryp jürgen jıgıtke bır jaǧynan riza boldym.
"Bızdı jergılıktı qazaqtar jaqtyra qoimaidy. Putindı qoldaisyŋdar dep. Bärıbır qazaqpyz ǧoi. Qan bar. Ūryssa da, ūrsa da Reseidegıdei ölımge aidap jatqan joq qoi" degende menıŋ jylaǧym keldı. Qan degen margansovka emes qoi!
Oŋǧar Qabden
Ūqsas jaŋalyqtar
