بۇگىن قازاقستاننىڭ مادەنيەت جانە اقپارات مينيسترلىگى لگبت قازاقستاندىق سايتىن بۇعاتتاعانى بەلگىلى بولدى. بۇل تۋرالى KazFace.kz جاريالادى، دەپ حابارلايدى “ادىرنا” ۇلتتىق پورتالى.
لگبت سايتى بۇعاتتالعانعا دەيىن باستى بەتىندە مىناداي مازمۇنداعى جازبالار بولادى: "Selftanu.kz بۇل - لگبتك+ جاسوسپىرىمدەر مەن ءوزىن-ءوزى تۇسىنگىسى كەلەتىندەرگە ارنالعان جوبا..."
اتالعان سايتتاعى ماقالالار مازمۇنى قازاقستاندىقتاردىڭ نارازىلىعىن تۋدىردى. ءداستۇرلى ەمەس جىنىستىق باعداردى ناسيحاتتاۋعا ارنالعان لگبت+ جاسوسپىرىمدەر سايتى ەلىمىزدە العاش تىركەلگەن كۇنى كوپشىلىك «قارسىمىز» دەگەن پەتيتسيا باستادى.
KazFace.kz رەداكتسياسى اتالعان سايتتى بۇعاتتاۋدىڭ سەبەبى تۋرالى تۇسىنىكتەمە الۋ ءۇشىن اقپارات مينيسترلىگىنە جۇگىندى.
"ينتەرنەت-رەسۋرستاعى مونيتورينگ بارىسىندا "selftanu.kz" بالالاردىڭ دەنساۋلىعى مەن دامۋىنا زيان كەلتىرەتىن اقپاراتتى تاراتۋعا بايلانىستى زاڭنامانىڭ بۇزىلۋى انىقتالعان.
بالالاردىڭ قۇقىقتارىن قورعاۋ جونىندەگى ۋاكىلەتتى ورگاننىڭ شەشىمى بويىنشا قازاقستاندا بالالار مەن جاسوسپىرىمدەر اراسىندا لگبت قوزعالىسىنىڭ يدەيالارىن اشىق ينتەرنەت-رەسۋرستارىندا تاراتۋ قاۋىپتى. ول مەملەكەتتىك مادەني قۇندىلىقتار مەن تاريحي جانە ءداسۇىرلى قاعيدالارىمىزعا قايشى. بالالاردىڭ پسيحو-جاس ەرەكشەلىكتەرىن ەسكەرىپ، اقپاراتتىق قاۋىپسىزدىك شارالارىن ورناتۋ نەگىزىندە بۇعاتتالعان.
قازاقستان رەسپۋبليكاسىنىڭ "بالالاردى دەنساۋلىعى مەن دامۋىنا زيان كەلتىرەتىن اقپاراتتان قورعاۋ تۋرالى" زاڭدا جىنىستىق-ەروتيكالىق سيپاتتاعى ماتەريالدارعا تىيىم سالىنعانى كورسەتىلگەن.
سونداي-اق، "بالا قۇقىقتارى تۋرالى" زاڭدا پورنوگرافيانى تاراتاتىن، بالالارعا زياندى اسەر ەتەتىن جانە قۇقىق بۇزۋشىلىقتار جاساۋعا ىقپال ەتەتىن بۇقارالىق اقپارات قۇرالدارىن پايدالانۋ دا زاڭمەن قۋدالانادى جانە ولاردى تاراتۋعا تىيىم سالىنادى دەلىنگەن.
اتالعان سەبەپتەر بويىنشا مينيسترلىك "selftanu.kz" ينتەرنەت-رەسۋرسىنا شەكتەۋ شارالارىن قابىلدادى.
سونداي-اق مينيسترلىك وكىلى اتالعان سايت زاڭ تالاپتارىن ورىنداپ، ەسكەرتۋ ورىندالعان جاعدايدا ينتەرنەتكە قوسىلۋ قايتا قالپىنا كەلتىرىلەتىنىن اتاپ ءوتتى.
