نيۋ-يورك سوتى اقش-تىڭ بۇرىنعى پرەزيدەنتى دونالد ترامپتى ترامپ ۇيىمىنىڭ اكتيۆتەرىن باعالاۋ كەزىندەگى الاياقتىق تۋرالى ازاماتتىق ءىس بويىنشا ايىپتى دەپ تانىدى، دەپ حابارلايدى “ادىرنا” ۇلتتىق پورتالى 24.kz سايتىنا سىلتەمە جاساپ.
باس پروكۋروردىڭ ايتۋىنشا، ەكس-پرەزيدەنت بانكتەردەن ىڭعايلى شارتپەن نەسيە الۋ ءۇشىن 10 جىل بويى ءوزىنىڭ ماتەريالدىق بايلىعىنىڭ كولەمىن كوبەيتىپ كورسەتكەن.
ەندى ساياساتكەر 355 ميلليون دوللار تولەۋى كەرەك.
سونىمەن قاتار، ترامپقا نيۋ-يوركتە تىركەلگەن كەز كەلگەن كورپوراتسيادا باسشىلىق قىزمەتتەردى اتقارۋعا ءۇش جىل ۋاقىتقا دەيىن تىيىم سالىندى.
سونداي-اق ونىڭ ۇلدارى دونالد پەن ەريكتىڭ ارقايسىسىنا 4 ميلليون دوللار تولەۋگە مىندەتتەلدى. ولار ترامپ ۇيىمىن 2017 جىلى باسقارعان.
“ادىرنا” ۇلتتىق پورتالى
