اقش پرەزيدەنتى دونالد ترامپ رەسەي پرەزيدەنتى ۆلاديمير پۋتينمەن وتكەن كەزدەسۋدەن كەيىن ۋكراينا باسشىسى ۆلاديمير زەلەنسكيگە ماسكەۋمەن قاقتىعىستى رەتتەۋ ءۇشىن كەلىسىمگە كەلۋدى ۇسىندى. بۇل تۋرالى ول Fox News تەلەارناسىنا بەرگەن سۇحباتىندا ايتتى، دەپ حابارلايدى «ادىرنا» ءتىلشىسى.
«ايتارلىقتاي كوپ نارسە كەلىسىلدى، بىراق وزدەرىڭىز بىلەتىندەي،ءبىر-ەكى ەداۋىر ماڭىزدى تارماق قالىپ كەتتى. بىراق، مەنىڭ ويىمشا، ولاردى قازىر شەشۋگە بولادى، بارلىعى ۋكراينا پرەزيدەنتى زەلەنسكيگە بايلانىستى. سونداي-اق مەن ەۋروپالىق ەلدەر دە ءسال كوبىرەك اتسالىسۋى ءتيىس دەر ەدىم. الايدا بارلىعى زەلەنسكيگە بايلانىستى ەكەنىن قايتالايمىن. كەلىسىمگە كەلىڭىزدەر. رەسەي — ۋكرايناعا قاراعاندا وتە ۇلكەن مەملەكەت»،— دەدى ترامپ.
ەسكە سالايىق، بۇعان دەيىن الياسكادا وتكەن كەزدەسۋدىڭ اياقتالعانىن جازعان ەدىك.
