شەشەنستان پرەزيدەنتىنىڭ 18 جاستاعى ۇلى جاڭا قىزمەتكە تاعايىندالدى، دەپ حابارلايدى "ادىرنا" ءتىلشىسى The Insider-گە سىلتەپ.
پرەزيدەنت رامزان قادىروۆتىڭ ۇلكەن ۇلى احمات جاستار ىستەرى جونىندەگى وڭىرلىك مينيستر قىزمەتىنە تاعايىندالىپ، قادىروۆ وردەنىمەن ماراپاتتالدى.
جاڭا ءمينيستردىڭ ماراپاتى تۋرالى شەشەنستان پارلامەنتىنىڭ توراعاسى ماگومەد داۋدوۆ جەلىدە جازدى.
احمات ءوزىن كەز كەلگەن ىسكە جاۋاپكەرشىلىكپەن جانە ساۋاتتى كوزقاراسپەن ەرەكشەلەنەتىن ءتيىمدى باسشى رەتىندە كورسەتتى! وسىنداي قىسقا مەرزىمدە ول كوپتەگەن ەستە قالارلىق ءىس – شارالار ۇيىمداستىرىپ، جاستار ساياساتىنا ايتارلىقتاي ۇلەس قوستى! قىمباتتى جيەنىمدى، شەشەنستان رەسپۋبليكاسىنىڭ جاستار ىستەرى جونىندەگى ءمينيسترى احمات قادىروۆتى "قادىروۆ" وردەنىن الۋىمەن قۇتتىقتايمىن! «تەحنوسپورت پەرۆىح» سپورت فەستيۆالىنىڭ اشىلۋ سالتاناتىندا شەشەنستان رەسپۋبليكاسىنىڭ ەڭ جوعارى ناگراداسىن تابىستاعانىما قۋانىشتىمىن، – دەپ جەتكىزدى توراعا
"قادىروۆ" وردەنى - شەشەنستاننىڭ ەڭ جوعارى ناگراداسى.
ەسكە سالا كەتەيىك، 11 قاراشادا احمات قادىروۆ دەنە شىنىقتىرۋ، سپورت جانە جاستار ساياساتى بويىنشا رەسپۋبليكا ءمينيسترىنىڭ ءبىرىنشى ورىنباسارى بولىپ تاعايىندالعان بولاتىن. بۇعان دەيىن ول ەكى جىل بويى بۇكىلرەسەيلىك بالالار مەن جاستار قوزعالىسىنىڭ شەشەن رەگوتراتسياسى كەڭەسىن باسقاردى.
