Sheshenstan prezıdentiniń 18 jastaǵy uly jańa qyzmetke taǵaıyndaldy, dep habarlaıdy "Adyrna" tilshisi The Insider-ge siltep.
Prezıdent Ramzan Qadyrovtyń úlken uly Ahmat jastar isteri jónindegi óńirlik mınıstr qyzmetine taǵaıyndalyp, Qadyrov ordenimen marapattaldy.
Jańa mınıstrdiń marapaty týraly Sheshenstan Parlamentiniń tóraǵasy Magomed Daýdov jelide jazdy.
Ahmat ózin kez kelgen iske jaýapkershilikpen jáne saýatty kózqaraspen erekshelenetin tıimdi basshy retinde kórsetti! Osyndaı qysqa merzimde ol kóptegen este qalarlyq is – sharalar uıymdastyryp, jastar saıasatyna aıtarlyqtaı úles qosty! Qymbatty jıenimdi, Sheshenstan Respýblıkasynyń jastar isteri jónindegi mınıstri Ahmat Qadyrovty "Qadyrov" ordenin alýymen quttyqtaımyn! «Tehnosport pervyh» sport festıvaliniń ashylý saltanatynda Sheshenstan Respýblıkasynyń eń joǵary nagradasyn tabystaǵanyma qýanyshtymyn, – dep jetkizdi tóraǵa
"Qadyrov" ordeni - Sheshenstannyń eń joǵary nagradasy.
Eske sala keteıik, 11 qarashada Ahmat Qadyrov dene shynyqtyrý, sport jáne jastar saıasaty boıynsha respýblıka mınıstriniń birinshi orynbasary bolyp taǵaıyndalǵan bolatyn. Buǵan deıin ol eki jyl boıy Búkilreseılik balalar men jastar qozǵalysynyń sheshen regotraııasy keńesin basqardy.
