بىرىڭعاي جيناقتاۋشى زەينەتاقى قورى (بجزق) قازاقستاندىقتاردىڭ جەكە دەرەكتەرىن قور بازاسىنان تاراپ كەتۋى تۋرالى اقپاراتقا تۇسىنىكتەمە بەردى، دەپ حابارلايدى “ادىرنا” ۇلتتىق پورتالى.
"بجزق" اق جەلىسىنىڭ بازاسىنان قازاقستاندىقتاردىڭ دەربەس دەرەكتەرى تۋرالى اقپاراتتىڭ تارالۋىنا بايلانىستى GitHub سايتىنداعى قۇجاتتاردا بەلگىسىز تۇلعالار ورنالاستىرعانى شىندىققا سايكەس كەلمەيدى دەگەن رەسمي مالىمدەمە جاسالدى”، - دەپ مالىمدەدى قوردان.
بجزق قاۋىپسىزدىك قىزمەتى GitHub سايتىندا جاريالانعان مالىمەتتەرگە ەگجەي-تەگجەيلى تالداۋ جۇرگىزگەنى تۋرالى حابارلادى.
«ناتيجەسىندە جاريالانعان كاتالوگتا enpf.kz سايتىنىڭ سيپاتتاماسى عانا بار ەكەنى انىقتالدى. سونىمەن قاتار سايت اشىق اقپارات كوزى بولىپ تابىلادى جانە سالىمشىلار مەن الۋشىلاردىڭ جەكە دەرەكتەرىن قامتىمايدى»، - دەپ قوستى بجزق.
قور اقپاراتتىق قاۋىپسىزدىكتى قامتاماسىز ەتۋ ماقساتىندا بجزق كيبەرقاۋىپتەرگە قارسى تۇرۋدىڭ دەڭگەيلى جۇيەسىن بەلسەندى تۇردە قولدانىپ جاتقانىنا سەندىردى. بۇل جۇيە قوردىڭ ىت-ينفراقۇرىلىمىنىڭ سىرتقى جانە ىشكى پەريمەترىن بەلسەندى تۇردە قورعاۋ ادىستەرىن قامتيدى.
ەستەرىڭىزگە سالا كەتەيىك، بۇعان دەيىن باق-تا قازاقستاندىقتارعا قاتىستى جەكە دەرەكتەردىڭ جەلىگە تاراپ كەتكەنى تۋرالى اقپارات تاراعان بولاتىن. كەيىن تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى ۇلتتىق قاۋىپسىزدىك كوميتەتىمەن بىرلەسە كەلىپ تۇسكەن ماتەريالداردى تالداپ جاتقانىن حابارلادى.
