قازاقستان بيلىگى ەۋرووداق پەن اقش رەسەيمەن بايلانىسى ءۇشىن قازاقستاندىق Alem Group جانە Da group 22 كومپانيالارىنا قاتىستى قايتالاما سانكتسيالار ەنگىزەتىنىن بىلگەن، دەپ حابارلايدى “ادىرنا” ۇلتتىق پورتالى.
بۇل تۋرالى ساۋدا مينيسترلىگى مالىمدەدى.
“اتالعان ەكى كومپانياعا قاتىستى باتىس ەلدەرىنىڭ جوسپارى تۋرالى سانكتسيا ماسەلەلەرى بويىنشا سىرتقى سەرىكتەستەرمەن ديالوگ كەزىندە الدىن الا بىلدىك”، – دەلىنگەن حابارلامادا.
بۇل كومپانيالار 2023 جىلدىڭ مامىر جانە ماۋسىم ايلارىنان باستاپ يمپورت پەن ەكسپورتقا قاتىسپايدى. ال قازىر Elem Group كومپونياسى تاراۋ پروتسەسىندە.
ساۋدا مينيسترلىگى قازاقستاندىق تاراپتىڭ رەسەيمەن ساۋداعا ەشقانداي سانكتسيالار مەن شەكتەۋلەر قولدانبايتىنىن ايتا كەتتى. سونداي-اق قازاقستان باتىس ەلدەرىنىڭ سانكتسيالارىن اينالىپ ءوتۋ ءۇشىن ءوز اۋماعىن پايدالانۋعا جول بەرمەۋگە تىرىسادى.
ايتا كەتەيىك، رەسەيدىڭ ۋكراينا سوعىس اشقانىنا ەكى جىل بولعان ۋاقىتتا ەۋرووداق پەن اقش رەسەيگە قارسى جاڭا سانكتسيالار ەنگىزدى. بۇل تىزىمگە ەو مالىمدەمەسىندە ايتىلعانداي، «رەسەي اسكەري-ونەركاسىپ كەشەنىن قولداعان» جانە «ساۋدا شەكتەۋلەرىن اينالىپ وتۋگە قاتىسقان» قازاقستان كومپانيالارى بار.
اقش قارجى مينيسترلىگى ەlem Group اقش-تا تىركەلگەنىمەن، رەسەيدە جۇمىس ىستەيتىن STRELOI EKOMMERTS كومپانياسىنا تىيىم سالىنعان تاۋارلاردى جەتكىزگەنىن مالىمدەدى.
ال ەكىنشى قازاقستاندىق Da Group22 كومپانياسى گەرمانيادان ELIX ST كومپانياسىنىڭ تاۋارلارىن ساتىپ الىپ، رەسەيلىك كومپانياعا ساتقان. اتالعان تاۋارلاردىڭ سوڭعى تۇتىنۋشىلارى رەسەيلىك اسكەري جانە رەسەيلىك عارىش جانە قورعانىس ونىمدەرىن وندىرۋشىلەر بولدى.
“ادىرنا” ۇلتتىق پورتالى
