2022 جىلعا دەيىن ەلىمىزدە 6 ملن قازاقستاندىق كوروناۆيرۋس ينفەكتسياسىنا قارسى ۆاكتسينالانادى، دەپ حابارلادى دەنساۋلىق ساقتاۋ ءمينيسترى الەكسەي تسوي ۆەدومستۆونىڭ كەڭەيتىلگەن القا وتىرىسىندا.
«قازاقستاندا جەكە ۆاكتسينا ازىرلەۋشىلەر، سونداي-اق ۆاكتسينا وندىرۋگە ارنالعان وقشاۋلانعان الاڭ بار، ول ۆاكتسينامەن قامتاماسىز ەتۋگە بايلانىستى تاۋەكەلدەردى بارىنشا ازايتۋ جانە رەسپۋبليكامىزداعى ەپيدەميولوگيالىق احۋالدى تۇراقتاندىرۋعا ايتارلىقتاي اسەر ەتەدى. وسىلايشا، 2021 جىلى ءبىز 6 ملن استام ادامدى ەگۋدى جوسپارلاپ وتىرمىز»، – دەدى ا.تسوي.
القا وتىرىسى بارىسىندا دەنساۋلىق ساقتاۋ مينيسترلىگىنىڭ باسشىسى رەسەيلىك «سپۋتنيك V» ۆاكتسيناسى رەكوردتىق مەرزىمدە ساتىپ الىنعانىن ەسكە سالدى. بۇگىندە ول قاراعاندى فارماتسەۆتيكالىق كەشەنىنىڭ بازاسىندا وندىرىلۋدە. وتاندىق تاۋاردى جەتكىزۋ بەكىتىلگەن كەستەگە سايكەس بيىل 24 اقپاندا باستالدى. سونىمەن قاتار بيىل ءساۋىر ايىندا قر بعم عىلىم كوميتەتىنىڭ بيولوگيالىق قاۋىپسىزدىك پروبلەمالارى عىلىمي-زەرتتەۋ ينستيتۋتى ازىرلەگەن وتاندىق «QazCovid-in» ۆاكتسيناسىن قولدانۋ جوسپارلانعان.
دەنساۋلىق ساقتاۋ مينيسترلىگى پروفيلاكتيكالىق ەگۋگە ارنالعان ۆاكتسينانى تاسىمالدالداعاندا سالقىن جەردە ساقتاۋ ماسەلەلەرى بويىنشا ستاندارتتى وپەراتسيالىق راسىمدەردى ازىرلەدى جانە بەكىتتى. 2 مىڭنان استام مەديتسينا قىزمەتكەرلەرى كۆي-گە قارسى ۆاكتسيناتسيا تاكتيكاسى، ۆاكتسيناتسيانىڭ قاۋىپسىزدىگى مەن تيىمدىلىگىن قامتاماسىز ەتۋ بويىنشا وقىتىلدى. ە-gov mobile «ۆاكتسيناتسيا» جانە «تسيفرلىق قۇجاتتار» قىزمەتىندەگى ۆاكتسيناتسيا پاسپورتى ارقىلى ەگىلگەندەردىڭ ەسەبىن جۇرگىزۋ جانە يممۋندىق جاعدايدى باقىلاۋ جوسپارلانۋدا. بۇل ۆاكتسيناتسيا كولەمىن جانە اۋرۋدىڭ بولجامىن جوسپارلاۋعا كومەكتەسەدى.
ۆاكتسيناتسيانىڭ قولدا بار ناتيجەلەرىن ەسكەرە وتىرىپ، وسى جىلدىڭ ەكىنشى جارتىجىلدىعىنا دەيىن ەپيدەميولوگيالىق جاعدايعا بولجام جاسالدى. مينيستر وپتيميستىك جانە شىنايى بولجامعا سايكەس جاپپاي ماسكا رەجيمى، سونداي-اق الەۋمەتتىك اراقاشىقتىق ساقتاۋ ناتيجەسىندە ەلدەگى ەپيدەميولوگيالىق جاعداي تۇراقتالادى جانە قاتاڭ كارانتيندىك شەكتەۋگە ۆاكتسيناتسيا عانا بالاما بولاتىنىن اتاپ ءوتتى.
«بۇكىل الەم ۆاكتسيناتسيا عانا قالىپتى ومىرگە كارانتينسىز ورالۋعا مۇمكىندىك بەرەتىنىن ءتۇسىندى. وسىعان بايلانىستى وڭىرلەر يممۋنوپروفيلاكتيكا بويىنشا حالىققا اقپاراتتىق-ءتۇسىندىرۋ جۇمىستارىن كۇشەيتۋى قاجەت»، – دەدى ا.تسوي.
