«چينوۆنيك» Telegram ارناسى مۋمباي پورتىندا قازاقستاندىق FlyArystan ۇشاعى Air India ۇشاعىمەن سوقتىعىسىپ قالا جازداعانىن جازدى، دەپ حابارلايدى، “ادىرنا” پورتالى.
مۋمبايدان الماتىعا ۇشقان قازاقستاندىق اۋە كومپانياسىنىڭ ەكيپاجى اپاتتى جاعدايدان امان قالعان. Flyarystan ۇشاعى اۋەجايعا قوناردا شاتاسىپ، ۇشۋعا بەت العان Air India ۇشاعىنىڭ جولاعىنا قاراي بۇرىلعان.
«ءۇندى ۇشاعى ۇشۋ-قونۋ جولاعىندا دەرەۋ توقتاۋعا ءماجبۇر بولدى. اپاتتىڭ الدىن الىپ، كەيىن ەكى ۇشاق تا باراتىن اۋەجايلارىنا ۇشىپ كەتتى. ءۇندىستاننىڭ اۆياتسيالىق بيلىگى وقيعانى اۆياتسيالىق اپاتتى وقيعا دەپ تانىپ، تەرگەۋدى باستادى»، - دەلىنگەن حابارلامادا.
جاعدايعا قاتىستى FlyArystan كومپانياسى جاۋاپ بەردى:
«ءبىز 2024 جىلدىڭ 22 اقپانىندا FlyArystan KC7858 مۋمباي – الماتى رەيسى ۇشار الدىندا بولعان وقيعادان حاباردارمىز. اۋە كومپانياسى چحاتراپاتي شيۆادجي حالىقارالىق اۋەجايىندا بولعان وقيعانى ەگجەي-تەگجەيلى تەكسەرۋ اياسىندا فاكتىلەردى انىقتاۋمەن اينالىسۋدا»، - دەپ حابارلادى اۋە كومپانياسى.
