كولىك ءمينيسترى مارات قاراباەۆ ونىڭ ۆەدومستۆوسىنا كولەڭكەلى بيزنەستەن قىسىم جاسالىپ جاتقانىن ايتتى، - دەپ حابارلايدى “ادىرنا” ۇلتتىق پورتالى كولىك مينيسترلىگىنىڭ سايتىنا سىلتەمە جاساپ.
الماتى وبلىسىنىڭ تۇرعىندارى مينيسترگە حالىقارالىق جۇكتەردى تاسىمالداۋعا شەتەلدىك رۇقسات بلانكىلەرىن بەرۋدىڭ ادىلەتسىز جۇيەسىنە شاعىمداندى. مينيسترلىككە تاعىلعان ايىپتارعا جاۋاپ رەتىندە قاراباەۆ شەتەلدىك رۇقسات بلانكىلەرىن (يبر، رۇقساتتار) زاڭسىز قايتا ساتۋعا توسقاۋىل قويۋعا ۋادە بەردى.
"رۇقساتتار توڭىرەگىندە كولەڭكەلى بيزنەس قالىپتاستى. بلانكىلەردى ساتۋ كوميتەت قىزمەتكەرلەرىنەن ەمەس، ءبىر كولىك كومپانياسىنان ەكىنشى كولىك كومپانياسىنا ساتىلۋدا. بۇل دۇرىس ەمەس. سوندىقتان ادىستەمەنى وزگەرتكىمىز كەلەدى»، - دەدى مينيستر.
ونىڭ ايتۋىنشا، ءبىرىنشى كەزەكتە ناقتى جۇكتەرى بار ءاربىر ادام بلانكىلەردى الا الاتىنداي باسىمدىق ءپرينتسيپىن جوسپارلاۋ قاجەت. بۇل جاعدايدا الىپ ساتۋدى بولدىرماۋ ءۇشىن بلانكىلەر جەكەشەلەندىرىلەدى.
"كولەڭكەلى نارىققا الدەقاشان ەنىپ كەتكەن تۇلعالار مۇنىمەن كەلىسپەي، مينيسترلىككە اقپاراتتىق قىسىمدى ۇيىمداستىردى. بىراق ءبىز باستاعان ءىستى اياقتايمىز. ويتكەنى ءتارتىپ بولۋى كەرەك. بلانكىلەرگە قولجەتىمدىلىك بارلىعىنا بىردەي بولۋى كەرەك»، – دەدى مارات قاراباەۆ.
